មានមនុស្សជាច្រើនឈឺស្មា ពិសេសចំពោះអ្នកចំណាយពេលអង្គុយធ្វើ ការដោយប្រើកុំព្យូទ័រយូរៗ។ អាការះស្មារឹងនេះ ជួនកាលធ្វើឲ្យអ្នកឈឺក្បាល គេងមិនលក់ រឺរហូតដល់ក្អួតចង្អោទៀតផង។ ទាំងនេះគឺជារោគសញ្ញាបង្ក បញ្ហាដល់សុខភាពរបស់អ្នក។ សូមថែរក្សាសុខភាពដោយវិធីងាយៗតាមការ ណែនាំរបស់លោកគ្រូ YAEGASHI Kei ខាងក្រោម ដោយជៀសវាងការពឹងផ្អែកលើមន្ទីរពេទ្យ រឺ ហាងម៉ាស្សាខ្លាំងពេក។

លំហាត់ប្រាណងាយៗសម្រាប់ស្មារឹង

សម្រួលក

– យកដៃម្ខាងដាក់លើក្បាលឲ្យត្រង់ ហើយដកដង្ហើមចូល

– ទាញក្បាលផ្តេកមកតាមទិសរបស់ដៃដោយងោកមកខាងមុខ ហើយដកដង្ហើមចេញ

– រក្សាជំហរបែបនេះរយះពេល១០វិនាទី

– ប្តូរដៃម្ខាងទៀត ហើយធ្វើដូចខាងលើ

 – យកដៃម្ខាងដាក់លើក្បាលឲ្យត្រង់ ហើយដកដង្ហើមចូល

– ទាញក្បាលផ្តេកមកតាមទិសរបស់ដៃដោយងើយទៅខាងក្រោយ  ហើយដកដង្ហើមចេញ

– រក្សាជំហរបែបនេះរយះពេល១០វិនាទី

– ប្តូរដៃម្ខាងទៀត ហើយធ្វើដូចខាងលើ

ធ្វើចលនាសាច់ដុំស្មា និងខ្នង

– ងើយក្បាលឡើងលើ

– សំយ៉ុងដៃទាំងពីរចុះក្រោម

– ញឹងស្មាទាំងពីរឡើងលើ ហើយទាញទៅក្រោយខ្នង

– ដកដង្ហើមចូល

– រក្សាជំហរបែបនេះរយះពេល៥វិនាទី

– សម្រួលក្បាល និងស្មាមកសភាពត្រង់ធម្មតាវិញ ដោយដកដង្ហើម ចេញ។

ព្យាយាមធ្វើលំហាត់ប្រាណបែបនេះដោយអារម្មណ៏ល្អ ហើយធ្វើឲ្យបាន៥ដង

ក្នុង១ថ្ងៃ ដើម្បីជីវិតស្រស់ថ្លា។

ប្រវត្តិរូបសង្ខេប

YAEGASHI Kei

លោកគ្រូកើតនៅខេត្តអ៊ីវ៉ាតិ នៃប្រទេសជប៉ុន។ លោកគ្រូមានបទពិសោធន៏ជាង១០ឆ្នាំនៅគ្លីនិកឆ្អឹង និងការព្យាបាលដោយគួកច្របាច់នៅទីក្រុង Tokyo

និង Yokohama ប្រទេសជប៉ុន។ លោកគ្រូបានមកបើកគ្លឹនិកនៅទីក្រុងភ្នំពេញកាលពីឆ្នាំ២០១២ ដោយមានឈ្មោះថា ZEN Yugawa ផ្ទះលេខ០២ ផ្លូវលេខ

៣៥២ ទូរស័ព្ទលេខ ០៧៨ ២៤៩ ៩៧៦។
សម្រាប់ពត៌មានបន្ថែម ៖