ប្រហុកមានពីរប្រភេទគឺប្រភេទប្រហុកសាច់ និងប្រហុកឆ្អឹង។ តាមរយៈអាជីវករប្រហុកបានអោយដឹងថា ប្រជាជនរស់នៅតាមដងទន្លេមេគង្គភាគច្រើននិយមប្រហុកឆ្អឹង ចំណែកប្រជាជននៅខេត្តសៀមរាប និងខេត្តមួយចំនួននៅជាប់បឹងទន្លេសាប គឺនិយមប្រើប្រាស់ប្រហុកសាច់។
- ប្រហុកត្រីកំភ្លាញ ប្រើសម្រាប់ប្រហុកដុត ប្រហុកឆៅ និងទឹកប្រហុកជាដើម
- ប្រហុកត្រីរ៉ស់ មានតម្លៃថ្លៃជាងប្រហុកដទៃ តែអាចប្រើជាមួយមុខម្ហូបអ្វីក៏បាន
- ប្រហុកត្រីរៀលប្រើជាគ្រឿងផ្សំគ្រប់មុខម្ហូប។
ការធ្វើប្រហុកជាលក្ខណៈគ្រួសារ
អ៊ុំស្រី អួន ខុន ជាកសិកររស់នៅខេត្តកណ្តាល ហើយគាត់បានចេះធ្វើប្រហុកតពីម្តាយរបស់គាត់។ ជារៀងរាល់ឆ្នាំ គាត់តែងតែធ្វើវាមិនដែលខានមួយឆ្នាំណាឡើយ។ កាលគាត់នៅវ័យជំទង់ គាត់ធ្វើប្រហុកដោយយកត្រីធំៗល្មមមកធ្វើ ហើយត្រូវប្រើរទេះគោដើម្បីទៅទិញ ដោយពេលខ្លះត្រូវបោះតង់ដេកពីរបីយប់នៅក្បែរផែចាប់ត្រី ដើម្បីចាំទិញត្រីប្រហុក និងធ្វើប្រហុកនៅទីនោះ។
បច្ចុប្បន្ន ដោយមានភាពងាយស្រួលក្នុងការដឹកជញ្ជូន និងមានឈ្មួយយកត្រីប្រហុកមកលក់ដល់ផ្សារក្បែរផ្ទះគាត់ផងនោះ គាប់ជួននឹងគាត់បានប្តូរផ្ទះមករស់នៅជិតទន្លេស្រាប់ផង គាត់មិនចាំបាច់ត្រូវទៅបោះតង់ដេកចាំទិញ និងធ្វើប្រហុកនៅផែនេសាទដូចពីមុនទៀតឡើយ។
គួរបញ្ជាក់ដែរថាគេពុំអាចយកត្រីស្អុយខូចគុណភាពមកធ្វើប្រហុកបានទេ ហើយបរិមាណនៃការធ្វើប្រហុកក៏ហាក់ដូចជាធ្លាក់ចុះពីមួយឆ្នាំទៅមួយឆ្នាំផងដែរ។ អ៊ុំស្រីបានមានប្រសាសន៍ថា៖ “កាលពីមុនអ៊ុំបានធ្វើប្រហុកប្រមាណជាង ១០០គីឡូ ក្នុងមួយឆ្នាំៗ ព្រោះកាលនោះត្រីសំបូរច្រើន ហើយត្រីមានតម្លៃធូរថ្លៃទៀត។ ក៏ប៉ុន្តែបច្ចុប្បន្ននេះ ដោយសារត្រីមានតម្លៃថ្លៃ ពុំសូវសំបូរ និងមានទំហំតូចថែមទៀត ដូច្នេះអ៊ុំទិញធ្វើតែចំនួនល្មមសម្រាប់ផ្គត់ផ្គង់ក្នុងមួយឆ្នាំៗតែប៉ុណ្ណោះ”។
សម្រាប់ពត៌មានបន្ថែម ៖
【NyoNyum Khmer No. 44】
この記事が気に入ったら
いいね!しよう
We will send you the latest information
តួនាទីស្រ្តីមន្រ្ដីប៉ូលីសក្នុងការអភិវឌ្ឍសង្គម
2022.08.11 NyoNyum KhmerNyoNyum Khmer Special Topics未分類
ទស្សនាវដ្តីញញឹមខ្មែរលេខ ៥២ ចុះផ្សាយនៅថ្ងៃទី១១ ខែកក្កដា ឆ្នាំ២០២២【NYONYUM KHMER】
2022.07.11 NyoNyum KhmerNyoNyum Khmer Special Topics未分類
“អត្តចរិកល្អ ភាពស្មោះត្រង់ និងភាពហ្មត់ចត់ចំពោះការងារ ជាចំណុចសំខាន់ក្នុងការប្រកបការងារជាមួយជនជាតិជប៉ុន”
2022.06.13 NyoNyum KhmerReport from Japan
ទស្សនាអតីតរាជធានីបុរាណជប៉ុន នាសម័យ កាម៉ាគូរ៉ា (Kamakura)
2022.06.13 Japan ViewNyoNyum Khmer未分類
(ភាសាខ្មែរ) ជំនួយសម្រាប់ការថែទាំសុខភាពពីរដ្ឋាភិបាលជប៉ុន
2021.06.01 Special Topics