កូនៗស្រឡាញ់ម្តាយ ហើយតាមជាប់រហូតធ្វើឲ្យម្តាយមានការលំបាកក្នុងកិច្ចការផ្សេងៗ ពោលគឺមិនអាចដកខ្លួនឆ្ងាយពីកូនបាន។ កាលណាឮសំលេងកូនយំ ម្តាយមានចិត្ត  “អាណិតអាសូរកូន”  និង “ឈឺចាប់” ហើយនៅពេលឃ្លាតឆ្ងាយពីកូន ម្តាយមានអារម្មណ៍ “កំសត់ អាលោះអាល័យ”។ តែទោះជាយ៉ាងណាម្តាយគ្រប់រូបតែងមានបំណងចង់ឲ្យកូនទៅសាលារៀនដោយស្ម័គ្រចិត្ត និងសប្បាយរីករាយ ។

មូលហេតុដែលកូនមិនចង់ទៅសាលាមត្តេយ្យ

• ចង់នៅជាមួយម្តាយ
• អត់ស្រួលខ្លួន
• ហត់ ងងុយគេង
• អារម្មណ៍អត់ចង់ទៅ
• មានបញ្ហាជាមួយមិត្តភក្តិ

វិធីដោះស្រាយ

＊ផ្តល់រូបភាពក្នុងក្តីស្រម៉ៃថាសាលាមត្តេយ្យគឺជាទីកន្លែងសប្បាយ

＊ប្រាប់កូនថាម៉ាក់នឹងមកទទួលកូននៅម៉ោងចេញពីសាលា

＊កំណត់ការសន្យា និងគោលដៅជាមួយគ្នា(ការសន្យាជាមួយម៉ាក់ ត្រូវតែគោរព និងកំណត់គោលដៅងាយសម្រេច)

＊ជួនកាលអោយរង្វាន់សម្រាប់ការព្យាយាម

＊ពេលព្រឹកត្រូវបែកគ្នាដោយអារម្មណ៍គ្មានកង្វល់ ហើយពេលទទួល កូនត្រូវអោបក្រសោបកូនប្រកបដោយទឹកមុខញញឹម

＊សុំសហការពីសំណាក់គ្រូ ឬម្តាយដទៃ

＊ទំលាប់រស់នៅត្រូវមានម៉ោងទៀតទាត់ (ចូលគេងពីព្រលប់, ងើបពី ព្រលឹម, ញុំាអាហារព្រឹកជាដើម)

វិធីដោះស្រាយនោះ អាស្រ័យទៅតាមចរិត និងអាយុរបស់កូន ឬមូលហេតុដែលកូនមិនចង់ទៅរៀននោះ ជាអ្វីដែលខ្ញុំចង់ជម្រាបជូនដល់អ្នកម្តាយទាំងឡាយ។ សូមអ្នកម្តាយផ្ញើកូនទៅសាលាដោយអារម្មណ៍គ្មានកង្វល់។ សំខាន់គឺនៅពេលនាំកូនទៅប្រគល់ឲ្យគ្រូ អ្នកម្តាយគួរចាកចេញដោយទឹកមុខញញឹម។ កូនៗងាយនឹងទទួលអារម្មណ៍ប៉ះទង្គិចណាស់ (Sensitive) បើសិនជាម្តាយបង្ហាញទឹកមុខព្រួយបារម្ភ កូននៅតែយំដើម្បីចង់ទាក់ទាញអារម្មណ៍របស់ម្តាយ។ កូននឹងគិតថាបើយំ មានម្តាយនៅជិតជានិច្ច ជាហេតុធ្វើឲ្យគេ (កូន) ធ្វើអ្វីៗតាមចិត្ត។

សាលាមត្តេយ្យ គឺជាទីកន្លែងសិក្សារៀនសូត្រពីជីវភាពរស់នៅលក្ខណៈក្រុម។ កូននឹងសិក្សាចងចាំថា “បើយំមិនបាច់ទៅរៀនទេ=អ្វីដែលអត់ចង់ធ្វើ គឺមិនធ្វើ”។ តើនេះជាប្រការល្អដែរឬទេ?

នៅសាលាមត្តេយ្យពោរពេញទៅដោយអ្វីៗដែលក្មេងៗចង់ចេះចង់ដឹងច្រើនណាស់។ ក្មេងៗងាយស៊ាំនឹងបរិយាកាស ជាពិសេសប្រសិនបើពួកគាត់ដឹងថាទីនោះជាទីសប្បាយគ្មានក្មេងណាមិនសុំាឡើយ។

រីឯនៅពេលទទួលកូន អ្នកម្តាយគួរអោបកូនឲ្យខ្លាំងដោយទឹកមុខញញឹមផង។ ស្តាប់រឿងសប្បាយក្នុងសាលាពីកូន ហើយពោលពាក្យសរសើរពីការព្យាយាមរបស់កូនផងដែរ។ មួយទៀត ម្តាយមិនត្រូវព្រួយបារម្ភអំពីការផ្ញើកូនឲ្យនៅជាមួយគ្រូជំនាញវិជ្ជាជីវផ្នែកថែទាំកុមារឡើយ។ ផ្ទុយទៅវិញម្តាយគួរប្រាប់ពីសកម្មភាព ឬទំលាប់របស់កូននៅផ្ទះ ឬសួរនាំពីសកម្មភាពរបស់កូននៅសាលា ព្រមទាំងសុំយោបល់ពីគ្រូពីចណុច ខ្វះខាត ឬចំណុចព្រួយបារម្ភជាដើមជាមួយគ្រូជំនាញ។ គ្រូៗក៏ជូយគិតគួរពីវិធីដោះស្រាយសមស្របទៅតាមចរិតរបស់កូននីមួយៗនោះ។ គ្រូៗក៏មានបំណងចង់ឲ្យក្មេងៗស្នាក់នៅសាលាប្រកបដោយភាពរីកាយ។ សូមនាំគ្នាគាំពារ និងតាមដានដំណើរវិវឌ្ឍន៍របស់កូន។

ចំណុចមួយទៀតដែលយើងចង់សួរអ្នកម្តាយ ថាតើកូនមានទម្លាប់ចូលគេងយប់អា្រធាត្រដូចឪពុកម្តាយដែរឬទេ? បើក្មេងងងុយគេងពេលព្រឹក នាំឲ្យក្មេងនោះមានអារម្មណ៍មិនល្អ។ ឪពុកម្តាយគួរទំលាប់ឲ្យកូនចូលគេងឆាប់ និងងើបពីព្រលឹម ហើយទទួលទានអាហារ

ពេលព្រឹកឲ្យបានទៀងទាត់ជាប្រចាំ។ បើងើបពីគេងស្រួល និងញុំាអាហារពេលព្រឹកគ្រប់គ្រាន់ ក្មេងៗអាចទៅសាលាប្រកបដោយសុខភាពល្អ និងអារម្មណ៍ស្រស់ថ្លា។

សួស្តី! ខ្ញុំឈ្មោះ Michi ជានាយកសាលា។ ខ្ញុំមានបទពិសោធន៍បង្រៀនជាង២៥ឆ្នាំ ខ្ញុំមានទំនុកចិត្តថា ខ្ញុំអាចផ្តល់ជូននូវបុត្រធីតារបស់លោកអ្នកនូវបរិស្ថានដ៏ល្អ។ សូមអញ្ជើញមកសាលារបស់យើងដើម្បីយល់ដឹងបន្ថែម។

Combiplaza

international pre-school
សម្រាប់ពត៌មានបន្ថែម ៖