កាំជ្រួច (Hanabi) ជាកំណាព្យប្រពៃណីរបស់ជប៉ុននៅរដូវក្តៅ។

ជារៀងរាល់ឆ្នាំចាប់ពីខែកក្កដាដល់ខែសីហា ពិធីបាញ់កាំជ្រួចនៅគ្រប់ទីកន្លែងទូទាំងប្រទេស ត្រូវបានប្រារព្ធឡើង។ រាល់ពិធីនីមួយៗ មានកាំជ្រួចចំនួនចាប់ពីរាប់ពាន់គ្រាប់ រហូតដល់រាប់ម៉ឺនគ្រាប់ ត្រូវបានបាញ់បង្ហោះឡើង ដែលធ្វើឲ្យរំលេចពណ៌លើផ្ទៃមេឃនារដូវក្តៅ។ សម្រស់និងឥទ្ធិពលនោះ មានតម្លៃក្នុងការទស្សនា។ តោះទៅលេងប្រទេសជប៉ុននៅរដូវក្តៅ ហើយកំសាន្តជាមួយការបាញ់កាំជ្រួច ♪

(ភាសាខ្មែរ) រដូវក្តៅគឺកាំជ្រួច! How beautiful! HANABI (fireworks) in Japan

Read More

កាលវិភាគនៃព្រឹត្តិការណ៍បាញ់កាំជ្រួចទូទាំងប្រទេសឆ្នាំ២០១៩

Fireworks Festivals in Japan – 2019

នៅរដូវក្តៅប្រទេសជប៉ុន មានព្រឹត្តិការណ៍បាញ់កាំជ្រួចជាច្រើន។ នៅក្នុងទំព័រនេះ យើងបានណែនាំព្រឹត្តិការណ៍ទាំងនោះមួយចំនួន ក៏ប៉ុន្តែក្រៅពីនេះក៏មានព្រឹត្តិការណ៍បាញ់កាំជ្រួចនៅតំបន់នានាទូទាំងប្រទេសផ្សេងៗទៀតផងដែរ។ អ្នកអាចស្វែងរកព្រឹត្តិការណ៍ទាំងនោះបានផងដែរតាមរយៈអ៊ីនធើណេត។

ព្រឹត្តិការណ៍ប្រកួតបាញ់កាំជ្រួចទូទាំងប្រទេស “កាំជ្រួចនៅ Omagari”

Omagari National Fireworks Competition

នេះគឺជាព្រឹត្តិការណ៍ប្រកួតបាញ់កាំជ្រួចមួយ​ ដែលមាន​ប្រវត្តិតាំងពីឆ្នាំ១៩១០ ដោយធ្វេីការប្រកួតស្នាដៃរបស់អ្នកផលិតកាំជ្រួច​នៅទូទាំង​ប្រ​ទេស។ លក្ខណៈពិ​សេសរបស់កម្មវិធី​នេះ គឺមានការបាញ់កាំជ្រួ​ច​ពេល​ថ្ងៃ​តែមួយគត់​នៅទូទាំង​ប្រ​ទេស។ គេនឹងបង្ហាញរូប​ផ្សេងៗនៅ​លើ​មេឃ​ពេល​ថ្ងៃ ដោយ​ប្រេី​​ផ្សែង

កាំជ្រួចដែលដាក់ពណ៌គ្រប់បែប។ រីឯការបាញ់កាំជ្រួចនាពេលរាត្រីវិញ អ្នកផលិតកាំជ្រួចនឹងបាញ់គ្រាប់កាំជ្រួចដែលខ្លួនបានផលិតទៅតាមប្រធានបទ ចំនួន២គ្រាប់ជាកាំជ្រួចខ្នាតធំនិង

“កាំជ្រួចច្នៃប្រឌិត” ដែលមិនជាប់ប្រកាន់ប្រពៃណីជារូបរាងមូល។ គេក៏ធ្វើការវាយតម្លៃលើរចនាបថ ពណ៌ ភាពប្រឌិតកម្ម ហើយចំពោះស្នាដៃដែលល្អបំផុតនោះ នឹងទទួលពាន់រង្វាន់ពីនាយករដ្ឋមន្ត្រី ដែលធ្វើឲ្យវាជាកម្មវិធីដ៏មានតម្លៃខ្ពង់ខ្ពស់។ ម្យ៉ាងទៀតក្នុងកម្មវិធីបាញ់កាំជ្រួចប្រចាំព្រឹត្តិការណ៍ ដែលមានភាពល្បីល្បាញវិញ យើងអាចទស្សនាកម្សាន្តកាំជ្រួចលក្ខណៈថ្មីទំនើបដែលមានចំណងជើងថា “Wide Star Mine”  ដែលមានភាពអស្ចារ្យ ដោ
យសារគេបាញ់ច្រើនគ្រាប់ជាបន្តបន្ទាប់ទៅតាមបទភ្លេង។

・ទីកន្លែង：តំបន់ Omagari ស្រុក Daisen ខេត្ត Akita
・កាលបរិច្ឆេទ：ថ្ងៃទី៣១ ខែសីហា (សៅរ៍)
・កាំជ្រួ​​ច​ពេ​​ល​ថ្ងៃ：១៧:១៥~១៨:០០, កាំជ្រួច​ពេលរាត្រី ១៨:៥០~២១:៣០
・ចំនួនបាញ់​ឡើ​ង：ប្រមាណ ១៨,០០០ គ្រាប់
・ទស្សនិកជន：ប្រមាណ ៧៥ ម៉ឺននាក់
Website : http://www.oomagari-hanabi.com (Japanese only)
Facebook ID : @omagari.hanabi

＜ការ​​ធ្វេីដំ​ណើរ＞

・ពី “ស្ថានីយ Omagari” JR ប្រ​ហែល៣០នា​ទី​ដោយ​ថ្មេីជើង
・ពី IC Omagari នៃផ្លូវ Akita-do ប្រ​ហែល១០នាទី​ដោយរថយន្ត
※តាម​ខ្សែរថ​​​​ភ្លេីង JR Akita Shinkansen, Tazawa-ko Line,     Oou-Honsen មាន​ជើងប​ន្ថែមស​ម្រាប់កម្មវិធី​នេះ (ប្រ​ហែលដល់～២៤:០០)។ ម្យ៉ាង​ទៀត នៅទិវានោះមានការហាមចរាចរណ៍រថយន្តមួយចំនួន​នៅកណ្តាលក្រុង

ព្រឹត្តិការណ៍កាំជ្រួចក្នុងពិធីបុណ្យ Nagaoka

The Nagaoka Festival Grand Fireworks Show

នេះគឺជាព្រឹត្តិការណ៍១ក្នុងចំណោមព្រឹត្តិការណ៍ទាំង៣ស្តីពីកាំជ្រួចប្រទេសជប៉ុន។ វាមានប្រភពដើមមកពីពិធីបុណ្យគោរពវិញ្ញាណក្ខន្ធរបស់អ្នកបូជាជីវិតដោយសារសង្គ្រាម ដែលត្រូវបានចាប់ផ្តើមនៅឆ្នាំបន្ទាប់ពីការបញ្ចប់សង្គ្រាម និងមានអត្ថន័យបួងសួងដល់ការស្តារនិងសន្តិភាព តាមរយៈកាំជ្រួច១គ្រាប់ៗអស់ចំនួនប្រមាណ ២០,០០០ គ្រាប់នៅលើមេឃនាពេលរាត្រីក្នុងរយៈពេល២ថ្ងៃ។ ្របសិនបើលោកអ្នកចង់ទទួលភាពដ៏អស្ចារ្យនៃការបាញ់កាំជ្រួចនេះ គួរតែទស្សនានៅលើស្ពាន Chosei ដែលស្ថិតនៅផ្នែកខាងលើនៃស្ទឹងដែលជិតនឹងកន្លែងបាញ់។ កម្មវិធីកាំជ្រួចដែលមានចំណងជើងថា “Phoenix” ដែលបួងសួងពីការស្តារ មានប្រវែងប្រមាណ ២km ឯណោះ ហើយអ្នកប្រាកដជាអាចកម្សាន្តពីភាពអស្ចារ្យដ៏សម្បើមនេះ។ នៅឆ្នាំ២០១៩ ជាឆ្នាំខួបគម្រប់១៥ឆ្នាំនៃគ្រោះមហន្តរាយរញ្ជូយដី Chuetsu។ គេកំពុងរៀបចំកាំជ្រួច “Phoenix” ពិសេសសម្រាប់ខួបគម្រប់១៥ឆ្នាំ ដើម្បីបង្ហាញទឹកចិត្ត “អំណរគុណ” ដល់ជំនួយកន្លងមក។

・ ទីកន្លែង：ស្រុក Nagaokaខេត្ត Nigata
・ កាលបរិច្ឆេទ：ថ្ងៃទី២ ខែសីហា (សុក្រ) ថ្ងៃទី៣ ខែសីហា (សៅរ៍) *ចំនួន២ថ្ងៃ ១៩:២០~២១:១០
・ ចំនួនបាញ់ឡើង：ពុំទាន់ប្រាកដ (ជារៀងរាល់ឆ្នាំប្រមាណ ២០:០០០ គ្រាប់)
・ ទស្សនិកជន：ប្រមាណ ១០៤ ម៉ឺននាក់ (បូកសរុប២ថ្ងៃ)
Website：https://nagaokamatsuri.com   *អាចជ្រើសរើសភាសាអង់គ្លេសបាន
Facebook ID：@NagaokaHanabi.NagaokaFireworks
Official PDF Guidebook (English)：https://nagaokamatsuri.com/book/inbound2018

＜ការធ្វើដំណើរ＞

・ ពី “ស្ថានីយ Nagaoka” JR ប្រហែល៣០នាទីដោយថ្មើរជើង
・ ពី IC Nagaoka នៃផ្លូវ Kanetsu ប្រហែល២០នាទីដោយរថយន្ត

Sumida River Fireworks Festival

Sumidagawa, Tokyo

ប្រភពដើម គឺមានប្រហែលជា៣០០ឆ្នាំមកហើយ នៃព្រឹត្តិការណ៍កាំជ្រួចដែលមានប្រវត្តិចាស់ជាងគេនៅប្រទេសជប៉ុន បើយោងតាមកំណត់ត្រាពីបូរាណ។ នៅឆ្នាំ១៧៣២ មានគ្រោះមហន្តរាយដាច់ស្បៀងនិងជម្ងឺអាសន្នរោគ ដែលបង្ករអោយមនុស្សស្លាប់ជាច្រើន ហើយឆ្នាំបន្ទាប់នោះ គេបានរៀបចំពិធីបុណ្យឧទ្ទិសព្រះអាទិទេពទឹក ដើម្បីគោរពវិញ្ញាណក្ខន្ធអ្នកទទួលរងគ្រោះ និងបួងសួងកំចាត់ជម្ងឺចង្រៃនៅដងស្ទឹង Sumida។ ក្នុងពីធីបុណ្យនោះ គេបានបាញ់កាំជ្រួច ដែលក្រោយមកបានក្លាយជាប្រភពដើមនៃព្រឹត្តិការណ៍នេះ។ ប្រពៃណីនៃការស្រែកហៅថា“Tamaya~!” “Kagiya~!” ក្នុងពេលទស្សនាកម្សាន្តកាំជ្រួចក៏ចាប់ផ្តើមមកពីកម្មវិធីនេះដែរ។ ការស្រែកហៅនេះ គឺបានចាប់ផ្តើមមកពីទស្សនិកជនបានអបអរសាទ និងគាំទ្រដល់ក្រុមហ៊ុនផលិតកាំជ្រួច២ កាលពីសម័យកាលនោះ។ បើសិនជាអស់លោកលោកស្រីធ្វើការស្រែកហៅដូចខាងលើនេះ នឹងត្រូវបានគេចាត់ទុកថា ជាជនបរទេសដែលយល់ដឹងជ្រៅពីប្រពៃណីជប៉ុន!?

ចាប់ពីឆ្នាំ២០១២មក ក្រៅពីអាគារខ្ពស់ៗ ឬ Tokyo Tower យើងអាចកម្សាន្តទស្សនាទាំង “Tokyo Sky Tree” ដែលជាអង់ទែនទូរទស្សន៍ខ្ពស់បំផុតក្នុងពិភពលោក ជាមួយកាំជ្រួចប្រមាណ២០,០០០ គ្រាប់ផងដែរ។ នេះគឺជាព្រឹត្តិការណ៍កាំជ្រួចនៅ Tokyo មួយ ដែលអាចទទួលអារម្មណ៍ជាប្រវត្តិសាស្ត្រ និងលក្ខណៈទំនើបនៃសម័យបច្ចុប្បន្នទាំងពីរបានរួមគ្នា។

・ ទីកន្លែង：ខណ្ឌ Sumida និងខណ្ឌ Taito ទីក្រុង Tokyo
・ កាលបរិច្ឆេទ：ថ្ងៃទី២៧ ខែកក្កដា (សៅរ៍) ១៩:០០~២០:៣០
・ ចំនួនបាញ់ឡើង：ប្រមាណ ២០,០០០ គ្រាប់
・ ទស្សនិកជន：ប្រមាណ ៧៥ ម៉ឺននាក់
Website：http://www.sumidagawa-hanabi.com *អាចជ្រើសរើសភាសាអង់គ្លេសបាន

＜ការធ្វើដំណើរ＞

【ទីតាំងទី១】
・  ពី “ស្ថានីយ Asakusa” រថភ្លើងក្រោមប្រហែល១៥នាទីដោយថ្មើរជើង

【ទីតាំងទី២】
・  ពី “ស្ថានីយ Kuramae” រថភ្លើងក្រោមដីប្រហែល៥នាទីដោយថ្មើរជើង

ព្រឹត្តិការណ៍កាំជ្រួចស្ទឹង Yodogawa តំបន់ Naniwa

Naniwa Yodogawa Fireworks Festival

ព្រឹត្តិការណ៍កាំជ្រួចដែលត្រូវបានរៀបចំដោយប្រជាពលរដ្ឋអ្នកស្ម័គ្រចិត្ត បានចាប់ផ្តើមឡើងនៅឆ្នាំ១៩៨៩។ រហូតដល់សព្វថ្ងៃនេះ​ វាបានក្លាយទៅជាព្រឹត្តិការណ៍កាំជ្រួចខ្នាតធំជាងគេ និងត្រូវបានគេនិយមជាខ្លាំង ក្នុងនាមជាកម្មវិធីប្រចាំរដូវក្តៅនៅក្រុង Osaka។ កាំជ្រួចក្នុងទឹកដែលត្រូវបាញ់ឡើងតាមរូបរាងពាក់កណ្តាលព្រះច័ន្ទពីផ្ទៃទឹក និងកាំជ្រួចដែលត្រូវបាញ់ឡើងជាបន្តបន្ទាប់ ដែលនាំអោយទស្សនិកជនហាក់ដូចជាភ្លេចដកដង្ហើមជាដើម សុទ្ធតែមានភាពអស្ចារ្យជាខ្លាំង! អមដោយបទភ្លេង ដែលធ្វើអោយមិននឿយហត់ ក៏ជាលក្ខណៈពិសេសរបស់ព្រឹត្តិការណ៍នេះដែរ។ នៅឆ្នាំ២០១៩ គឺជាលើកទី៣១ នៃព្រឹត្តិការណ៍កាំជ្រួចលើកដំបូងបន្ទាប់ពីបានចូលរាជកាល Reiwa ដែលគេកំពុងរៀបចំកម្មវិធីនេះធ្វើយ៉ាងណាកុំអោយចាញ់ឆ្នាំមុនៗ។ យើងអាចទស្សនាកម្សាន្តកាំ

ជ្រួចដ៏អស្ចារ្យនេះបាន ដោយសារយើងអាចមើលឃើញកាំជ្រួចពាសពេញនៅលើមេឃ នៅចំពោះមុខរបស់ខ្លួន។

・  ទីកន្លែង：ស្រុក Osaka ខេត្ត Osaka
・ កាលបរិច្ឆេទ：ថ្ងៃទី១០ ខែសីហា (សៅរ៍) ១៩:៤០~២០:៤០
・ ចំនួនបាញ់ឡើង：ពុំផ្សព្វផ្សាយ តាមការប៉ានស្មានប្រមាណ ១០,០០០ គ្រាប់
・ ទស្សនិកជន：ប្រមាណ ៦០ម៉ឺននាក់
Website：http://www.yodohanabi.com *មានតែភាសាជប៉ុន

＜ការធ្វើដំណើរ＞

【ទីតាំង Juso】
・ ពី “ស្ថានីយ Tsukamoto” JR ប្រហែល១៥នាទីដោយថ្មើរជើង
・  ពី “ស្ថានីយ Juso” Hankyu Kobe Line

ប្រហែល១៥នាទីដោយថ្មើរជើង

【ទីតាំង Umeda】
・  ពី “ស្ថានីយ Osaka” JR ប្រហែល២០នាទីដោយថ្មើរជើង
・  ពី “ស្ថានីយ Umeda” Hankyu / រថភ្លើងក្រោមដី ប្រហែល២៥នាទីដោយថ្មើរជើង

(ភាសាខ្មែរ) រដូវក្តៅគឺកាំជ្រួច! How beautiful! HANABI (fireworks) in Japan

Read More