ប្រវត្តិនៃផ្កាឈូករ័ត្នមានយូរណាស់មកហើយ គឺកាលពីសតវត្សទី១៥ ជនជាតិអេស្ប៉ាញបាននាំយកគ្រាប់ពូជពីទ្វីបអាមេរិក ហើយបានដាំដុះនៅក្នុងស្រុក និងត្រូវបានផ្សព្វផ្សាយទៅដល់ប្រទេសបារាំងឬប្រទេសរុស្ស៊ី ព្រមទាំងត្រូវបាននាំមកដល់ប្រទេសជប៉ុននៅសតវត្សទី១៧។ ក្រោយមក ប្រទេសរុស្ស៊ី និងសាធារណៈរដ្ឋប៉េរូ បានយករូបផ្កានេះដាក់នៅក្នុងទង់ជាតិរបស់គេ។  រីឯប្រទេសជប៉ុនវិញ គេបានបង្កើតចម្ការផ្កាឈូករ័ត្ននៅទូទាំងប្រទេស ដើម្បីប្រើប្រាស់ក្នុងកម្មវិធីអភិវឌ្ឍន៍ភូមិ ស្រុក ឬសកម្មភាពស្តារពីគ្រោះមហន្តរាយជាដើម ហើយក៏មានប្រើនៅក្នុងព្រឹត្តិការណ៍នានាផងដែរ។

នៅស្រុក Ogaki ខេត្ត Gifu តាំងពីឆ្នាំ១៩៩០ មក គេបានរៀបចំចម្ការផ្កាឈូករ័ត្ន ក្នុងគោលបំណងអភិវឌ្ឍន៍វិស័យកសិកម្មស្រែចម្ការ និងជម្រុញសកម្មភាពនៃតំបន់ ដោយប្រើប្រាស់នូវដីកសិកម្មដែលមិនបានប្រើប្រាស់យូរហើយ។ ជារៀងរាល់ឆ្នាំ នៅខែមិថុនាគេបានដាំពូជចំនួន២ដង ហើយនៅខែសីហា យើងនឹងឃើញទិដ្ឋភាពផ្កាឈូករ័ត្នរីកពេញលេញដែលមានចំនួនប្រមាណ១២ម៉ឺនដើមឯណោះ។ ក្នុងរដូវកាលនេះ (ពីពាក់កណ្តាលខែសីហាដល់ដើមខែកញ្ញា) ទាំងប្រជាជនក្នុងភូមិស្រុក និងទាំងប្រជាជនមកពីគ្រប់ទិសទីនៃប្រទេសជប៉ុន នាំគ្នាមកទស្សនានិងលេងកម្សាន្ត ហើយក្នុងនោះក៏មានជនបរទេសផងដែរ។ ទីតាំងស្រុក Ogaki ស្ថិតនៅជិតទីក្រុង Osaka ឬទីក្រុង Nagoya ដែលអាចមកលេងដោយរថភ្លើល្បឿនលឿនដូចរូបថតបានយ៉ាងស្រួលផងដែរ។ ចំពោះប្រទេសកម្ពុជាវិញ ក៏មានចម្ការផ្កាឈូករ័ត្នមួយចំនួននៅក្រុងតាខ្មៅ ដែលស្ថិតនៅភាគខាងត្បូងពីរាជធានីភ្នំពេញ ដែលអាចធ្វើដំណើរបានក្នុងរយៈពេលប្រហែល៣០នាទីដោយរថយន្ត ដូច្នេះអ្នកអាចអញ្ជើញទៅលេងកម្សាន្តនៅទីនោះបានផងដែរ។

Gifu
Ogaki Sunflower Field,
Ogaki City,Gifu Prefecture

Credited by modifying <Ogaki Sunflower Field in Hira-machi Area> (©<Ogaki City>, Creative Commons Attribution 4.0

International License (CC BY 4.0)) https://creativecommons.org/licenses/by/4.0/

(ភាសាខ្មែរ) ចំនុចដែលគួរអោយចាប់អារម្មណ៍នៅប្រទេសជប៉ុន / ការធ្វើដំណើរស្វែងរកត្រា “Gosyuin”

Read More

(ភាសាខ្មែរ) Report from Japan ការសំរេចចិត្តទៅសិក្សានៅប្រទេសជប៉ុន

Read More

(日本語) ការចុះផ្សាយលេខថ្មីលើកនេះគឺស្តីពី “កាំជ្រួចនៅប្រទេសជប៉ុន”! យើងបានចុះផ្សាយទស្សនាវដ្តីញញឹមខ្មែរលេខ៣៤ ថ្ងៃទី១០ ខែកក្កដា ឆ្នាំ២០១៧ NYONYUM KHMER

Read More

(日本語) “ការសម្ភាសលោក Felix គ្រូបង្វឹកកីឡាបាល់ទាត់ជម្រើសជាតិកម្ពុជា” ឆ្ពោះទៅកាន់ការប្រគួតជម្រុះកីឡាបាល់ទាត់ពិភពលោក

Read More