២០១២

in Cambodia

• អតីតព្រះមហាក្សត្រ នរោត្តម សីហនុ សោយទិវង្គត
• កម្ពុជាកាន់តំណែងជាប្រធានអាស៊ាន ហើយក៏មានកិច្ចប្រជុំកំពូលរវាងលោកនាយករដ្ឋមន្ត្រី ណូដា និងលោកនាយករដ្ឋមន្ត្រី ហ៊ុន សែន នៅរាជធានីភ្នំពេញផងដែរ
• ការបោះឆ្នោតព្រឹទ្ធសភា ការបោះឆ្នោតឃុំសង្កាត់

in Japan

• គណបក្សប្រជាធិបតេយ្យសេរី ទទួលបានជ័យជំនះលើសលប់នៅក្នុងការបោះឆ្នោតសភាតំណាងរាស្រ្ត ដោយមានគណៈរដ្ឋមន្ត្រីលោក អាបេ ទីពីរ ចាប់ផ្តើម
• សាស្រ្តាចារ្យសាកលវិទ្យាល័យក្យូតូ Shinya Yamanaka ឈ្នះរង្វាន់ណូបែលផ្នែកសរីរវិទ្យា ឬវេជ្ជសាស្ត្រសម្រាប់កោសិកា iPS

World

• លោកអូបាម៉ាបានជាប់ឆ្នោតជាថ្មីក្នុងការបោះឆ្នោតប្រធានាធិបតីអាមេរិក
• អូឡាំពិកទីក្រុងឡុងដ៍បានប្រារព្ធឡើង

ការ​កាន់​ទុក្ខ​ចំពោះ​ការ​សោយ​ទិវង្គត និង​ព្រឹត្តិការណ៍​នានា​នៅ​មុខ​ព្រះបរមរាជវាំង

លេខ៦២/ធ្នូ ២០១២-មករា ២០១៣

នៅថ្ងៃទី១៥ ខែតុលា អតីតព្រះមហាក្សត្រ ព្រះបាទ នរោត្តម សីហនុ បានសោយទិវង្គតនៅទីក្រុងប៉េកាំងក្នុងព្រះជន្មាយុ ៨៩ព្រះវស្សា។ ប្រជាពលរដ្ឋមានការគោរពយ៉ាងជ្រាលជ្រៅចំពោះអតីតព្រះមហាក្សត្រអង្គនេះ ដោយទ្រង់បានទាមទារឯករាជ្យពីប្រទេសបារាំង ឆ្លងកាត់ការតស៊ូក្នុងសង្រ្គាមស៊ីវិល និងការស្វែងរកសន្តិភាពថ្មីសម្រាប់កម្ពុជា។ នៅថ្ងៃទី១៧ ខែតុលា នៅពេលដែលព្រះសពរបស់ព្រះអង្គបានមកដល់ទីក្រុងភ្នំពេញ មានមនុស្សរាប់សែននាក់បានតម្រង់ជួរតាមវិថីដើម្បីទទួលស្វាគមន៍។ ទស្សនាវដ្ដីយើងខ្ញុំក៏បានចុះផ្សាយ​សាររំលែកទុកពីប្រជាពលរដ្ឋទ្រង់ផងដែរ។ លើសពីនេះទៀត នៅក្នុងផ្នែកចុះផ្សាយមានចំណងជើងថា “Photo Sanpo” ដែលមានជាកម្រងរូបថត + អត្ថបទរឿងនោះ យើងខ្ញុំបានចុះផ្សាយពីឧបទ្ទវហេតុដ៏អាថ៌កំបាំងមួយក្នុងអំឡុងពេលពិធីធ្វើឡើងនៅថ្ងៃទី២៣ ខែតុលានោះ។ ពោលគឺ ខណៈអតីតព្រះមហាក្សត្រី នរោត្តម មុនីនាថ សីហនុ និងព្រះបាទ នរោត្តម សីហមុនី និង​ព្រះសង្ឃ​ជិត​១​ម៉ឺន​អង្គ រួមទាំង​ប្រជាពលរដ្ឋ​ជាច្រើន​បាន​មក​ជួបជុំ​គ្នា​នៅ​មុខ​ព្រះបរមរាជវាំង ដើម្បី​​ចាប់ផ្តើមប្រារព្ធពិធី ស្រាប់តែមេឃមាន​ពពកខ្មៅ​ផ្តើមប្រែជា​ស្រឡះ​។ គេនិយាយថា ពពកដែលមើលទៅដូចជាព្រះភ័ក្ររបស់ព្រះបាទ នរោត្តម សីហនុ បានលេចឡើងមួយរយៈពេលខ្លីនៅលើមេឃពេលរាត្រីនោះ ហើយបានបាត់ទៅវិញភ្លាមៗ។

២០១៣

in Cambodia

• ខួបលើកទី៦០ នៃការបង្កើតទំនាក់ទំនងការទូតរវាងប្រទេសជប៉ុន និងកម្ពុជា
• ការបោះឆ្នោតជ្រើសតាំងតំណាងរាស្ត្រនីតិកាលទី៥ មានគណៈរដ្ឋមន្រ្តីដឹកនាំដោយសម្តេច ហ៊ុន សែន អាណត្តិទី៥

in Japan

• គណៈកម្មាធិការបេតិកភណ្ឌពិភពលោក ដែលប្រារព្ធធ្វើនៅទីក្រុងភ្នំពេញ បានសម្រេចចុះបញ្ជីភ្នំហ្វូជី ជាសម្បត្តិបេតិកភណ្ឌពិភពលោក
• អូឡាំពិកទីក្រុងតូក្យូឆ្នាំ២០២០ បានសម្រេច

World

• ភរិយាព្រះអង្គម្ចាស់ William របស់ចក្រភពអង់គ្លេសប្រសូតបុត្រាដំបូង
• វិបត្តិចំណាប់ខ្មាំងនៅប្រទេសអាល់ហ្សេរីបានធ្វើឱ្យចំណាប់ខ្មាំងបរទេស ៣៧ នាក់បានស្លាប់ក្នុងនោះមានជនជាតិជប៉ុន ១០នាក់

ការទស្សនាកន្លែងនាងខ្ញុំចាប់អារម្មណ៍សារជាថ្មីម្តងទៀត!

លេខ ៦៧/តុលា-វិច្ឆិកា ២០១៣

នាងខ្ញុំគិតថា ពេល​នោះទស្សនាវដ្តី “ញញឹម” បាន​ធ្វើការចុះផ្សាយពី​ទិដ្ឋភាព​ផ្សេងៗ​ជាច្រើននៅ​​កម្ពុជា​អស់​រយៈកាល ១០ឆ្នាំ​មក​ហើយ។ ដោយមានចិត្តចង់ជួប និងចង់ឃើញនូវអ្វីដែលបានទស្សនាម្តងហើយ រួមទាំងចិត្តចង់ស្គាល់មនុស្ស និងកន្លែងដទៃផ្សេងទៀតផង ក្រុមការងារយើងខ្ញុំបានជ្រើសរើសប្រធានបទចំនួន៩ ពីការចុះផ្សាយរយៈពេល ១០ឆ្នាំកន្លងទៅ ហើយបានចុះទៅធ្វើបទសម្ភាសន៍សារជាថ្មី។ ៣​ឆ្នាំ​ក្រោយ​ការចុះផ្សាយដំបូង បុរស​ចំណាស់​លក់​ឆ្នាំង​ដីម្នាក់បានប្រែពីការលក់ដោយរទេះគោ មកជារឺម៉កម៉ូតូ។ ​នៅឯកោះដាច់ឯណោះវិញ ដោយសារតម្លៃវត្ថុធាតុដើមរបស់វាយនភណ្ឌឡើងថ្លៃខ្លាំង នាំឱ្យចំនួនអ្នកធ្វើការក្នុងរោងចក្រកើនឡើង ខណៈចំនួនប្រជាជនប្រកបរបរតម្បាញតាមផ្ទះថយចុះ។ តែទោះយ៉ាងនោះក្តី ក្រុមការងារយើងខ្ញុំបានជួបស្រ្តីម្នាក់ដែលនៅបន្តរបរតម្បាញរបស់ខ្លួន ដោយលើកឡើងថា៖ «នាងខ្ញុំចូលចិត្តត្បាញ!»។ ចំណែកឯតូបលក់​ចេក​ចៀន​ដ៏​ពេញ​និយម​មួយ​នោះវិញ បានបើកសាខាថ្មីបន្ថែមក្នុងអំឡុងពេល៤ឆ្នាំកន្លងទៅ។ វា​គឺ​ជា​ការចុះផ្សាយឡើង​​វិញ​នូវអ្វីដែលបានប្រែប្រួល ដែលនាង​ខ្ញុំ​បាន​ប្រទះផ្ទាល់ ទោះវាជារឿងល្អ ឬមិនល្អក្តី។

ពិធីជប់លៀងទស្សនាវដ្តី “ញញឹម” និងស្នាមញញឹមរបស់បុគ្គលិករាល់គ្នា

២០១៤

in Cambodia

• ផ្សារទំនើបអ៊ីអនបើកនៅភ្នំពេញ
• កីឡាការិនី សៀវម៉ីយ បានឈ្នះមេដាយមាសដំបូងសម្រាប់កម្ពុជាលើវិញ្ញាសាកីឡាតេក្វាន់ដូក្នុងព្រឹត្តិការណ៍ ស៊ីហ្គេម
• នួន ជា និងខៀវ សំផន ត្រូវបានកាត់ទោសឱ្យជាប់ពន្ធនាគារអស់មួយជីវិត ដោយតុលាការខ្មែរក្រហម

in Japan

• ការភ្ញាក់ផ្អើលពីព័ត៌មានមិនពិតអំពី “កោសិកា STAP”
• ភ្នំភ្លើង Ontake ផ្ទុះ
• ពន្ធលើការប្រើប្រាស់បានកើនឡើងដល់ ៨%

World

• WHO ប្រកាសដាក់ប្រទេសក្នុងគ្រាអាសន្ន ដោយសារជំងឺគ្រុនឈាម Ebola
• អ្នករាំស្គីលើទឹកកក លោក Yuzuru Hanyu ឈ្នះមេដាយមាសនៅ Sochi Winter Olympics

តើអ្នកណាត់ជួបគ្នាដោយរបៀបណា?

លេខ៧៣/តុលា-វិច្ឆិកា ២០១៤

ការចុះផ្សាយលេខពិសេសលើកទី២ អំពីការណាត់ជួបគ្នា។ នៅក្នុងលេខ​នេះ​ យើង​បាន​ស្នើ​សុំ​គូ​ស្នេហ៍​បានរៀបអាពាហ៍ពិពាហ៍រួច​ចំនួន ៥ គូដើម្បីសម្ភាសន៍ក្នុងការចុះផ្សាយយើងខ្ញុំ។ នៅក្នុងការចុះផ្សាយលេខពិសេស ឆ្នាំ២០១០ (លេខ៥០) ទីតាំងកោះពេជ្រ មានប្រជាប្រិយភាពសម្រាប់ការណាត់ជួបគ្នា ប៉ុន្តែកន្លែងពេញនិយមក្នុងឆ្នាំ២០១៤ គឺផ្សារទំនើប AEON ដែលទើបបើកថ្មី។ ផ្សារទំនើបថ្មីស្រឡាងមួយនេះ មានអ្វីគ្រប់យ៉ាង ដែលអ្នករាល់គ្នាត្រូវការមានដូចជា៖ ហាងសម្លៀកបំពាក់ ទំនិញផ្សេងៗ ភោជនីយដ្ឋាន មជ្ឈមណ្ឌលហ្គេម រោងកុន និងអ្វីៗជាច្រើនទៀត ដែលទាក់ទាញបេះដូងអ្នករស់នៅទីក្រុងភ្នំពេញ។ ក្នុងថ្ងៃវិស្សមកាល ផ្សារទំនើប AEON ពោរពេញដោយមនុស្សម្នារជាច្រើន រួមទាំងគូស្នេហ៍ ថែមទាំងមិត្តភក្តិ និងក្រុមគ្រួសារ នាំគ្នាដើរកម្សាន្ត។ ទន្ទឹមនឹងការបើកផ្សារទំនើប AEON ក៏មានក្រុមហ៊ុនជប៉ុនជាច្រើនចូលមកវិនិយោគនៅប្រទេសកម្ពុជា ហើយវាក៏ជាឆ្នាំដែលកំណើនសេដ្ឋកិច្ចខ្មែរ ត្រូវបានគេចាប់អារម្មណ៍យ៉ាងខ្លាំងផងដែរ។ តែទោះ​បី​ជា​យ៉ាង​នោះក្តី នាងក៏ខ្ញុំ​ភ្ញាក់​ផ្អើលផងដែរ​ពេល​ដឹង​ថា​ ស្ថានភាព​ទំនាក់​ទំនងស្នេហា​រវាងមនុស្សប្រុសនិងស្រីមុនពេលរៀបអាពាហ៍ពិពាហ៍ គឺមិនត្រូវបានបើកចំហរ មិនខុសពីមុន។ ជាលទ្ធផល ចំពោះគម្រោងចុះផ្សាយពីការណាត់ជួបនេះ ក្រុមការងារយើងខ្ញុំមានផលលំបាកក្នុងការស្វែងរកអ្នកសម្ភាស ដែលតម្រូវឱ្យពួកគាត់បង្ហាញឈ្មោះ និងរូបភាពពិតព្រោះពួកគាត់នឹងប្រឈមនឹងបញ្ហាជាមួយឳពុកម្តាយខ្លួនប្រសិនបើរឿងនេះលេចឮជាសាធារណៈ។

ការបង្កើតទស្សនាវដ្តី “ញញឹមខ្មែរ” !