ឆ្នាំ ជូត រាសីស្រុតចុះ

1. ការរកស៊ី៖ ការរកស៊ីមិនត្រឹមតែជួបគូប្រជែងជើងខ្លាំងចេញមុខមកតតាំងប៉ុណ្ណោះទេ ព្រមទាំងជួបក្រុមមនុស្សតាមឈ្នានិសនិងព្យាបាទយាយីច្រើនទៀតផង។ ដូច្នេះត្រូវរក្សាភាពស្ងៀមស្ងាត់។
2. ការងារ៖ រាល់កិច្ចការងារមិនស្រូវដំណើរការបានស្រួលឡើយ ជាពិសេសមិនត្រូវរួមការងារជាមួយមនុស្សដែលមានអំនួតអួតក្អេងក្អាងឡើយ។
3. សេដ្ឋកិច្ច៖ ចំណូលខ្សត់ខ្សោយ និងរកបានមកដោយកម្លាំងញើសឈាម។ ដូច្នេះកុំរកបាន
4. សុខភាព៖មកដោយតឹងតែចាយធូរឱ្យសោះ។
5. ស្នេហា៖ ចំពោះគូស្នេហ៍ជួបរឿងរកាំរកូសច្រើន។
6. គ្រោះថ្នាក់៖ ប្រយ័ត្នគ្រោះថ្នាក់ពេលដើរឆ្លងកាត់ផ្លូវថ្នល់។

ឆ្នាំ ឆ្លូវ រាសីល្អមធ្យម

1. ការរកស៊ី៖ ការរកស៊ីពិតមែនតែមានភាពល្អប្រសើរជាបណ្តើរៗក្តី។ តែអ្វីដែលត្រូវយកចិត្តទុកដាក់នោះគឺមិនត្រូវប្រញាប់ប្រញាល់ដាក់ទុនរកស៊ីដោយទ្រងទ្រាយធំឡើយ។
2. ការងារ៖ មុនពេលចុះហត្ថលេខាឬផ្តិតស្នាមមេដៃលើលិខិតស្នាមផ្សែង តោងចេះពិនិត្យពិច័យឱ្យបានល្អិតល្អន់ ទើបពុំមានការភ្លាំងភ្លាត់។
3. សេដ្ឋកិច្ច៖ ពិតមែនតែមានចំណូលច្រើនគួរសមក្តី តែអ្វីដែលត្រូវចៀសវាងនោះគឺមិនត្រូវឱ្យគេជំពាក់បំណុលឡើយ។
4. សុខភាព៖ ត្រូវយកចិត្តទុកដាក់ចំពោះអនាម័យនៃចំនីអាហារ។
5. ស្នេហា៖ ចំពោះគូស្នេហ៍មានស្និតស្នាលដូចប្រក្រតី។
6. គ្រោះថ្នាក់៖ ប្រយ័ត្នគ្រោះថ្នាក់លង់ទឹក។

ឆ្នាំ ខាល រាសីឡើងខ្ពស់ត្រដែត

1. ការរកស៊ី៖ ការរកស៊ីទោះបានជួបគូប្រជែងជើងខ្លាំងចេញមុខមកតតាំងក្តីក៏មិនភ័យព្រួយដែរ ព្រោះលោកអ្នកអាចយកប្រៀបឈ្នះជានិច្ច។
2. ការងារ៖ បើមានការជួបចរចារឿងកិច្ចការងារជាមួយអ្នកណាម្នាក់គឺរមែងតែងតែទទួលបានលទ្ធផលល្អជានិច្ច។
3. សេដ្ឋកិច្ច៖ ពិតមែនតែមានចំណូលច្រើនពីគ្រប់ទិសទីក្តី។ តែទ្រព្យច្រើនទុក្ខច្រើន។ ប្រយ័ត្នចាញ់បោកគេឬគ្រោះចោរលួចឆក់ប្លន់។
4. សុខភាព៖ ត្រូវចៀសវាងការល្មោភស៊ីល្មោភផឹក ទើបមិនអន្តរាយដល់ក្រពះពោះវៀន។
5. ស្នេហា៖ ចំពោះគូស្នេហ៍មានភាពល្អូកល្អិនល្អណាស់។
6. គ្រោះថ្នាក់៖ ពុំមានគ្រោះថ្នាក់អ្វីធំដុំគួរឱ្យកត់សម្គាល់ឡើយ។

ឆ្នាំ ថោះ រាសីល្អមធ្យម

1. ការរកស៊ី៖ បើមានមនុស្សសម្តី ផ្អែមត្រជាក់មកធ្វើជាធ្នាក់ទាក់ទងលោកអ្នកចូលរួមការរកស៊ីជាមួយតើងប្រយ័ត្នប្រយែងក្រែងចាញ់បោកគេរលាយទ្រព្យឆាប់។
2. ការងារ៖ ទោះបានប្រកបការងារអ្វីក៏ដោយគឺមិនត្រូវប្រគល់ការងារសំខាន់ៗឱ្យគេកាន់កាប់ធ្វើជំនួសឡើយ។ ប្រយ័ត្នគេកិបកេងយកផលចំណេញអស់។
3. សេដ្ឋកិច្ច៖ ពិតមែនតែមានចំណូលច្រើនគួរសមក្តី។ តែពុំមានសល់អ្វីជាដុំកំភួនឡើយព្រោះចំណាយច្រើនជាងចំណូល។
4. សុខភាព៖ ត្រូវយកចិត្តទុកដាក់ចំពោះអនាម័យនៃការហូបចុក។
5. ស្នេហា៖ ចំពោះគូស្នេហ៍មិនត្រូវឆាប់ជឿពាក្យអុជអាលពីអ្នកក្រៅឡើយ។
6. គ្រោះថ្នាក់៖ ប្រយ័ត្នគ្រោះថ្នាក់ឆក់ភ្លើងអគ្គីសនី។

ឆ្នាំ រោង រាសីស្រុតចុះ

1. ការរកស៊ី៖ មិនត្រូវហ៊ានប្រថុយប្រថានក្នុងការបណ្តាក់ទុនរកស៊ីដោយទ្រង់ទ្រាយធំឡើយ ហើយក៏មិនត្រូវប្រកបមុខរបរល្បែងស៊ីសងដែរ។ ប្រយ័ត្នរលាយទ្រព្យឆាប់។
2. ការងារ៖ ទោះប្រកបការងារអ្វីក៏ដោយគឺមិនត្រូវប្រគល់កិច្ចការងារសំខាន់ៗឱ្យគេកាន់កាប់ធ្វើជំនួសឡើយ។ ប្រយ័ត្នគេកិបកេងយកផលប្រយោជន៍អស់។
3. សេដ្ឋកិច្ច៖ ចំណូលតិចតួចស្តួចស្តើង។ ដូច្នេះចាប់ពីពាក់កណ្តាលខែអាចជួបនឹងវិបត្តិសេដ្ឋកិច្ចគ្រួសារចៀសមិនផុតឡើយ។
4. សុខភាព៖ ត្រូវឆ្លៀតពេលសម្រាកឱ្យបានច្រើន និងមិនត្រូវធ្វើការងារធ្ងន់ធ្ងរឱ្យហួសកម្លាំងឡើយ។
5. ស្នេហា៖ ចំពោះគូស្នេហ៍ប្រយ័ត្នមានជនទី៣ចូលជ្រៀតជ្រែក។
6. គ្រោះថ្នាក់៖ ប្រយ័ត្នគ្រោះថ្នាក់បើកបរពេលយប់ ឬក្រោយពេលស្រវឹង។

ឆ្នាំ ម្សាញ់ រាសីល្អមធ្យម

1. ការរកស៊ី៖ ពិតមែនតែនៅជួបឧបសគ្គខ្លះៗក្តី តែពុំចោទបញ្ហាធ្ងន់ធ្ងរឡើយ។ ព្រោះនៅតែមានអតិថិជនជួយគាំទ្រជាហូរហែដដែល។
2. ការងារ៖ ទោះបានប្រកបការងារអ្វីក៏ដោយគឺត្រូវមានទំនាក់ទំនងល្អជាមួយនឹងមនុស្សផងទាំងឡាយ ទើបអ្វីៗអាចដំណើរការបានស្រួល។
3. សេដ្ឋកិច្ច៖ នៅដើមខែពិតមែនតែមានចំណូលច្រើនគួរសមក្តី។ តែអ្វីគួរជាទីរីករាយគឺនៅចុងខែមានចំណូលច្រើនពីគ្រប់ទិសទី។
4. សុខភាព៖ ត្រូវយកចិត្តទុកដាក់ចំពោះអនាម័យចំណីអាហារ។
5. ស្នេហា៖ ចំពោះគូស្នេហ៍ទាល់តែចេះអត់ឱនឱ្យគ្នាទៅវិញទៅមកទើបបានសុខកាយសប្បាយចិត្ត។
6. គ្រោះថ្នាក់៖ ប្រយ័ត្នគ្រោះថ្នាក់រលាកទឹកក្តៅ។

ឆ្នាំ មមី​ រាសីស្រុតចុះ

1. ការរកស៊ី៖ ការរកស៊ីជួបរឿងរកាំរកូសច្រើន ដូច្នេះត្រូវចេះអត់ធ្ងត់ និងរម្ងាប់ចិត្តឱ្យបានត្រជាក់ ទើបរឿងតូចមិនអាចក្លាចជាជារឿងធំបាន។
2. ការងារ៖ ទោះបានប្រកបការងារអ្វីក៏ដោយ តោងចេះរក្សាភាពស្ងប់ស្ងាត់និងចេះពិនិត្យសភាពការណ៍ឱ្យបានច្បាស់លាស់ ទើបពុំប្រព្រឹត្តខុសនាំអំពល់ទុក្ខដាក់ខ្លួន។
3. សេដ្ឋកិច្ច៖ ពិតមែនតែមានចំណូលខ្សត់ខ្សោយតែបើចេះកាត់បន្ថយនូវចំណាយណាពុំចាំបាច់គឺពុំមានចោទជាបញ្ហាដល់សេដ្ឋកិច្ចគ្រួសារឡើយ។
4. សុខភាព៖ ត្រូវយកចិត្តទុកដាក់ក្នុងការថែទាំសុខភាពក្រពះពោះវៀនឱ្យបានល្អជា។
5. ស្នេហា៖ ចំពោះគូស្នេហ៍ប្រយ័ត្នមានអ្នកក្រៅនាំរឿងមកអុជអាល។
6. គ្រោះថ្នាក់៖ ប្រយ័ត្នគ្រោះថ្នាក់នៅពេលយប់។

ឆ្នាំ មមែ​ រាសីឡើងខ្ពស់ត្រដែត

1. ការរកស៊ី៖ បើមានបងប្អូនញាតិមិត្តស្កាត់មកបបួលរកស៊ីចូលហ៊ុនជាមួយ ចូរកុំខកខានឱ្យសោះ ព្រោះជាដៃគូរកស៊ីដែលមានចិត្តត្រង់ទៅត្រង់មក។
2. ការងារ៖ ចំពោះបុគ្គលិកកម្មករនៅតាមបណ្តាលក្រុមហ៊ុនឬរោងចក្រនានានឹងទទួលបានការកោតសរសើរនៃស្នាដៃការងារពីប្រធាន ឬថៅកែ។
3. សេដ្ឋកិច្ច៖ ពិតមែនតែមានចំណូលច្រើនពីគ្រប់ទិសទីក្តី។ តែចំពោះទ្រព្យក្តៅក្រហាយកុំទទួលយកឱ្យសោះ។ ប្រយ័ត្នអាចនាំទុក្ខដាក់ខ្លួន។
4. សុខភាព៖ អាចមានជំងឺមាត់ធ្មេញមករំខានខ្លះៗ។
5. ស្នេហា៖ ចំពោះគូស្នេហ៍ប្រកបតែភាពផ្អែមល្ហែម។
6. គ្រោះថ្នាក់៖ ពុំមានជួបគ្រោះថ្នាក់អ្វីធំដុំគួរឱ្យកត់សម្គាល់ឡើយ។

ឆ្នាំ វក រាសីល្អមធ្យម

1. ការរកស៊ី៖ ការរកស៊ីបើចង់បើហាងឬចង់ប្តូរមុខរបរថ្មីគឺជាឱកាសដ៏ល្អប្រពៃណាស់ ព្រោះមានបងប្អូនញាតិមិត្តជួយគាំទ្រច្រើន។
2. ការងារ៖ ដោយសារតែរាលឧបសគ្គនិងរាល់គ្រោះចង្រៃបានសាបរលាបបាត់ស្រមោលអស់រលីងហើយនោះ ទើបទោះបានប្រកបការងារអ្វីបានពេញដៃពេញជើង។
3. សេដ្ឋកិច្ច៖ ក្រៅតែពីមានចំណូលពីគ្រប់ទិសទីគឺនៅមានប្អូនញាតិមិត្តយកលាភសក្ករៈមកឱ្យដល់ផ្ទះទៀតផង។
4. សុខភាព៖ ត្រូវឆ្លៀតពេលហាត់ប្រាណនិងលេងកីឡាឱ្យបានច្រើន។
5. ស្នេហា៖ ចំពោះគូស្នេហ៍មានភាពល្អូកល្អិនល្អណាស់។
6. គ្រោះថ្នាក់៖ ពុំមានជួបគ្រោះថ្នាក់អ្វីធំដុំគួរឱ្យកត់សម្គាល់ឡើយ។

ឆ្នាំ រកា រាសីស្រុតចុះ

1. ការរកស៊ី៖​ ការរកស៊ីនឹងគូប្រជែងជើងខ្លាំងចេញមកតតាំង។ ដូច្នេះត្រូវរៀបចំជើងព្រួលទុកសម្រាប់ទប់ទល់ជាមុនទើបមិនចាញ់បៀបគេ។
2. ការងារ៖ មុននឹងរួមការងារជាមួយនឹងអ្នកណាម្នាក់ តោងចេះសង្កេតមើលសមាសភាពមនុស្សល្អនឹងអាក្រក់ឱ្យបានច្បាស់លាស់ ទើបមិនជាប់ពាក់ព័ន្ធក្នុងបទល្មើស។
3. សេដ្ឋកិច្ច៖ ចំណូលខ្សត់ខ្សោយ។ ដូច្នេះត្រូវចេះចាយវាយដោយក្បិតក្បៀតបន្តិចទើបនៅចុងខែពុំមានបញ្ហាខ្វះមុខខ្វះក្រោយចោទឡើយ។
4. សុខភាព៖ ត្រូវឆ្លៀតពេលសម្រាកនិងហាត់ប្រាណឱ្យបានច្រើន។
5. ស្នេហា៖ ចំពោះគូស្នេហ៍ជួបរឿងរកាំរកូសច្រើន។
6. គ្រោះថ្នាក់៖ ប្រយ័ត្នគ្រោះថ្នាក់ធ្លាក់ពីទីខ្ពស់។

ឆ្នាំ ច រាសីឡើងខ្ពស់ត្រដែត

1. ការរកស៊ី៖ អាចបណ្តាក់ទុនរកស៊ីតាមទីជិតឆ្ងាយមិនថាផ្លូវទឹកឬផ្លូវគោកឡើយគឺសមប្រកបទាំងអស់ ព្រោះអាចប្រមូលបានផលចំណេញយ៉ាងគាប់ចិត្តត្រឡប់ចូលផ្ទះ។
2. ការងារ៖ ទោះបានប្រកបការងារអ្វីក៏ដោយក៏អាចទទួលបានផលសម្រេចដូចបំណងប្រាថ្នាទាំងអស់ ជាពិសេសចំពោះអ្នកដែលកំពុងតែស្វែងរកការងារធ្វើក៏សម្រេចដូចបំណងដែរ។
3. សេដ្ឋកិច្ច៖ ពិតមែនតែមានចំណូលច្រើនពីគ្រប់ទិសទីក្តី។ តែអ្វីដែលត្រូវចៀសវាងគឺមិនត្រូវមានចិត្តលោភលន់ហួសប្រមាណពេកទេ។
4. សុខភាព៖ សុខភាពល្អជា។
5. ស្នេហា៖ ចំពោះកម្លោះក្រមុំអាចទាក់ទងសាងពន្លកស្នេហាបាន។
6. គ្រោះថ្នាក់៖ ពុំមានគ្រោះថ្នាក់អ្វីធំដុំឡើយ។

ឆ្នាំ កុរ រាសីល្អមធ្យម

1. ការរកស៊ី៖ ការរកស៊ីពិតមែនតែងើបឡើងបន្តិចវិញក្តី។ តែអ្វីដែលត្រូវយកចិត្តទុកដាក់នោះគឺមិនត្រូវរកស៊ីចូលហ៊ុនជាមួយនឹងមនុស្សដែលមានប្រវតិ្តមិនច្បាស់លាស់ឡើយ។
2. ការងារ៖ នៅដើមខែរាល់កិច្ចការងារមិនសូវដំណើរការបានស្រួលឡើយ។ តែចាប់ពីពាក់កណ្តាលខែទៅទោះបានប្រកបការងារអ្វីក៏ដោយក៏អាចទទួលបានផលសម្រេចដែរ។
3. សេដ្ឋកិច្ច៖ ចំណូលដើមខែច្រើនគួរសម។ តែចាប់ពីពាក់កណ្តាលខែគឺចំណូលហូរចូលច្រើនពីគ្រប់ទិសទី។
4. សុខភាព៖ ត្រូវយកចិត្តទុកដាក់ក្នុងការហាត់ប្រាណនិងលេងកីឡាឱ្យបានច្រើន។
5. ស្នេហា៖ ចំពោះគូស្នេហ៍មានភាពស្និតស្នាលដូចប្រក្រតី។
6. គ្រោះថ្នាក់៖ ប្រយ័ត្នគ្រោះថ្នាក់មុខកាំបិតពូថៅ ឬឧបរណ៍មុខស្រួច។