(ភាសាខ្មែរ) សីលធម៌ជិះជណ្ដើរយន្ដ 【life style】 - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) សីលធម៌ជិះជណ្ដើរយន្ដ 【life style】

TOP › 生活 › Life › Life Style › (ភាសាខ្មែរ) សីលធម៌ជិះជណ្ដើរយន្ដ 【life style】

2019.12.23

Life Style

នៅជណ្ដើរយន្ដ អ្នកដែលចុះមានអាទិភាព!

បច្ចុប្បន្ននេះ នៅក្រុងភ្នំពេញមានការកើនឡើងនូវអគារខ្ពស់ៗ ដូចនេះខ្ញុំគិតថាជណ្ដើរយន្ដលែងក្លាយជាវត្ថុកម្រទៀតហើយ។ ប៉ុន្ដែ តើមានមនុស្សប៉ុន្មាននាក់ ដែលដឹងពីសីលធម៌ក្នុងការជិះជណ្ដើរយន្ដប្រកបដោយភាពត្រឹមត្រូវ? អាកប្បកិរិយាដ៏សំខាន់បំផុតនៅពេលជិះជណ្ដើរយន្ដនោះ គឺអ្នកដែលចុះមានអាទិភាពមុន។ តើហេតុអ្វីបានជាអ្នកចុះមានអាទិភាពមុន? មូលហេតុ គឺសាមញ្ញណាស់ អ្នកចុះមានធុរៈ ប្រញាប់ចេញដំណើរទៅខាងក្រៅ។ បើសិនជានៅពេលទ្វារជណ្ដើរយន្ដបើកភ្លាម អ្នកឈរចាំឡើង ប្រជ្រៀតចូលភ្លាម ពេលនោះវានឹងបង្កទៅជាភាពកកស្ទះចង្អៀត លំបាកក្នុងការទទួលយក។ ការធ្វើដូចេ្នះធ្វើឱ្យអ្នកដែលចុះត្រូវខាតពេលវេលាដែលត្រូវចេញទៅក្រៅ។ អ្វីដែលត្រូវគិតនោះ គឺជណ្ដើរយន្ដជារបស់សាធារណៈ ដូចេ្នះមានមនុស្សប្លែកមុខដែលមិនធ្លាប់ស្គាល់គ្នាជាច្រើនធ្វើដំណើរជាមួយ។ នេះជាប្រការដែលយើងត្រូវប្រកាន់ខ្ជាប់នូវសីលធម៌ឱ្យបានល្អ។ អ្នកឈររង់ចាំឡើងជណ្ដើរយន្ដគួរឈរចាំនៅខាងឆេ្វង និងខាងស្ដាំទ្វារ។ បើឈរនៅចំពីមុខទ្វារវាធ្វើឱ្យកកស្ទះដល់អ្នកចុះចេញពីជណ្ដើរ។ សូមគិត និងយោគយល់ទាំងអស់គ្នា អំពីសីលធម៌ទូទៅ ជាពិសេសនៅតាមទីសាធារណៈ។