(ភាសាខ្មែរ) អ្នកបំរើសេវាកម្ម Geisha (នារីរបាំជប៉ុន) - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) អ្នកបំរើសេវាកម្ម Geisha (នារីរបាំជប៉ុន)

TOP › 観光 › Sightseeing › japan view › (ភាសាខ្មែរ) អ្នកបំរើសេវាកម្ម Geisha (នារីរបាំជប៉ុន)

2020.03.14

japan view

Geisha ជាអ្នកបំរើសេវាកម្មនៅក្នុងពិធីជប់លៀងផ្សេងៗតាមរយៈការសម្តែងនូវរបាំនិងចម្រៀងក៏ដូចជាឧបករណ៍តន្រ្តីបែបជប៉ុន(ទ្រ)ជាដើម នៅតាមបណ្តារភោជនីយដ្ឋាន(ថ្លៃថ្នូរ)ដែលបានកើតឡើងតាំងពីសតវត្សទី១៧ រហូតដល់សតវត្សទី១៩ នៃសម័យ Edo ប្រទេសជប៉ុន។ ដើមឡើយ បុរសៗជាអ្នកបំរើការងារសេវាកម្មនេះ នៅក្នុងពិធីជប់លៀងនិងមើលបំរើអ្នករបាំស្រ្តីជាដើម។ តែក្រោយមក វាបានប្រែជាការងាររបស់ស្រ្តីវិញ រហូតដល់នាពេលបច្ចុប្បន្ន។ គេចាំបាច់ត្រូវទទួលការបណ្តុះបណ្តាលនូវជំនាញនិងរបៀបទទួលភ្ញៀវផ្សេងៗដូចជា របាំ តន្ត្រីនិងចម្រៀងជាដើមក្នុងរយៈពេលប្រមាណ ៦ ឆ្នាំដើម្បីក្លាយជា Geisha ។ គេក៏អាចចាប់ផ្តើមចូលរៀនបានពីអាយុ ១៥ ឆ្នាំ ហើយGeisha ត្រូវបានគេទទួលស្គាល់ជាទូទៅនៅអាយុ ២០ ឆ្នាំ។

រូបភាព Geisha ដើរបាំងឆ័ត្រនៅទីក្រុង Tokyo

នៅសម័យ Edo ចំនួនអ្នកបំរើសេវាកម្មជា Geisha មានតិចតួចនៅឡើយ ព្រោះការងារនេះត្រូវបានហាមឃាត់យ៉ាងតឹងរឹងដោយរដ្ឋអំណាចនាសម័យនោះ។ ក៏ប៉ុន្តែនៅចុងសតវត្សទី ១៩ នៅដើមសម័យ Meiji នៅក្នុងប្រទេសជប៉ុន ដោយមានការកែប្រែច្បាប់ថ្មី បានធ្វើឱ្យចំនួនអ្នកបំរើសេវាកម្មជា Geisha កើនឡើងជាបន្តបន្ទាប់នៅទូទាំងប្រទេសជប៉ុន។ រហូតមកដល់ទស្សវត្សឆ្នាំ១៩៥០ មានការហៅឈ្មោះ Geisha ជាទូទៅនៅទូទាំងប្រទេសជប៉ុន ក៏ប៉ុន្តែបច្ចុប្បន្ន ឈ្មោះ Geisha នេះ បាននៅសេសសល់នៅតាមបណ្តារទីក្រុងធំៗមួយចំនួនដូចជា ទីក្រុង Tokyo, Osaka និងនៅតាមទីកន្លែងទេសចរណ៍មួយចំនួនតែប៉ុណ្ណោះ។

ដើមឡើយ មានតែភ្ញៀវដែលមានវណ្ណៈខ្ពស់ក្នុងសង្គមប៉ុណ្ណោះ ដែលមានលទ្ធភាពទទួលសេវាកម្ម Geisha នៅតាមបណ្តារភោជនីយដ្ឋានលំដាប់ខ្ពស់ៗ ក្នុងឱកាសការងារនិងនៅទីកន្លែងសម្រាប់ប្រាស្រ័យទាក់ទងគ្នាជាដើម ដែលវាជាសេវាកម្មសម្រាប់វណ្ណៈអភិជនមួយនៅក្នុងប្រទេសជប៉ុន។ ពីព្រោះបើពុំមានការណែនាំពិសេសនោះទេ អ្នកសាមញពុំអាចប្រើប្រាស់នូវសេវាកម្មបំរើដោយ Geisha នេះបានឡើយ។ បច្ចុប្បន្នមនុស្សទូទៅអាចជួប Geisha បាននៅតាមបណ្តារភោជនីយដ្ឋានមួយចំនួន និងនៅក្នុងពិធីបុណ្យនៅតាមបណ្តាររោងល្ខោន ដែលធ្វើឡើងពីរឬបីដងក្នុងមួយឆ្នាំ ក៏ដូចជាក្នុងពិធីមួយចំនួនដែលប្រារព្ធឡើងជាប្រចាំនៅប្រទេសជប៉ុនផងដែរ។
សម្រាប់ពត៌មានបន្ថែម ៖

【NyoNyum Khmer No.38】