(ភាសាខ្មែរ) ឥរិយាបថនៃការប្រើ Onsen 【Special2】 - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) ឥរិយាបថនៃការប្រើ Onsen 【Special2】

TOP › 観光 › Sightseeing › (ភាសាខ្មែរ) ឥរិយាបថនៃការប្រើ Onsen 【Special2】

2020.01.29

Sightseeing

Onsen ជាអាងទឹកធំដែលអ្នកទាំងអស់គ្នាចូលមុជត្រាំ។ សូមប្រកាន់ភ្ជាប់ឥរិយាបថដើម្បីរីករាយនឹង Onsen ទាំងអស់គ្នា។

ក្នុងអត្ថបទលេខមុន គេនិយាយអំពី វិធីសាស្រ្តកម្សាន្ត ONSEN បើសិនជាអ្នកមិនទាន់បានអាននោះទេ សូមចូលទៅកាន់ link ខាងក្រោម:

(ភាសាខ្មែរ) វិធីកម្សាន្តOnsen 【Special1】

អាក្រាតកាយទាំងអស់!

ពេលចូលបន្ទប់មុជត្រាំ ជាគោលការណ៍ត្រូវ “អាក្រាតកាយទាំងអស់”។ វាប្រហែលជាអៀនខ្មាស់ ប៉ុន្តែវាជាវិន័យជាធម្មតានៃ Onsen។ អាក្រាតកាយទាំងអស់គ្នា សូមក្លាហាន កុំគិតខ្មាស់អៀន។ សូមដោះសំលៀកបំពាក់ រួមទាំងឈុតក្នុង រួចដាក់ក្នុងកញ្រែ្ចង ហើយសំដៅទៅកន្លែងចូលមុជត្រាំទាំងអាក្រាតកាយ។

* សូមប្រើទូរចាក់សោរដាក់វត្ថុមានតំលៃដូចជា កាបូបលុយ ឬទូរស័ព្ទដៃជាដើម។

* ស្បែកជើងសូមដោះដាក់នៅក្នុងធ្នើរនៅមាត់ចូលទីកន្លែង Onsen ហើយនៅ ក្នុងទីកន្លែង Onsen ទូទៅគេពាក់ស្បែកជើងស្លីបព័រ ឬជើងទទេ។

កន្លែងសម្រាប់បុរស កន្លែងសម្រាប់ស្ត្រី ឬមានកន្លែងមុជត្រាំចូលគ្នាខ្លះៗ

កន្លែងមុជត្រាំភាគច្រើនគឺបែងចែកកន្លែងសម្រាប់បុរស និងកន្លែងសម្រាប់ស្ត្រី សូមប្រយ័ត្នកុំអោយច្រលំ។ (“មុជចូលគ្នា (kon-yoku) “មានន័យថា ជា Onsen ដែលចូលមុជត្រាំទាំងបុរសទាំងស្ត្រីជាមួយគ្នាបានតែមានតិចតួច)

មុនចូលមុជត្រាំទឹកក្តៅ សូមលាងសំអាតខ្លួនប្រាណ

ដើម្បីរក្សាទឹកក្តៅដែលទាំងអស់គ្នាចូលមុជត្រាំអោយស្អាត មុនចូលមុជត្រាំសូមលាងសំអាតខ្លួនប្រាណអោយបានស្អាតសិន។

កន្សែងជូតខ្លួន មិនត្រូវដាក់ចូលត្រាំក្នុងទឹកក្តៅឡើយ

កន្សែងជូតខ្លួនដែលប្រើបាំងខ្លួនអាក្រាតបន្តិច អាចយកចូលបន្ទប់មុជត្រាំបានតែមិនអាចដាក់ចូលក្នុងទឹកក្តៅនៃអាងមុជត្រាំបានទេ។ នេះក៍ដើម្បីរក្សាទឹកក្តៅអោយនៅស្អាត។ ពេលត្រាំក្នុងទឹកក្តៅ ជា “ជំនាញ” គេបត់កន្សែងហើយដាក់លើក្បាល។

មួយវិញទៀត សូមកុំអោយសក់ក្បាលចូលត្រាំក្នុងទឹកក្តៅ ដោយចងសក់នៅលើក្បាលជាដើម។ ជាគោលដែលអាចត្រាំក្នុងទឹកក្តៅបានគឺតែខ្លួនដែលត្រូវលាងសំអាតនោះ។ ការគិតយកចិត្តទុកដាក់ដើម្បីរក្សាទឹកក្តៅអោយស្អាត គឺសំខាន់ណាស់។

ការហែលគឺ NO!

មាន Onsen ដែលមានអាងមុជត្រាំធំទូលាយដូចអាងហែលទឹកដែរ ប៉ុន្តែការហែលនៅក្នុងអាងមុជត្រាំនោះគឺ NO!

សូមគិតពិចារណាដើម្បីអោយអ្នកទាំងអស់គ្នាអាចចូលមុជត្រាំក្នុង Onsen បានដោយស្រួលបួល។ Onsen មិនមែនជាអាងហែលទឹកទេ។
អត្ថបទបន្ទាប់ “ONSEN ដ៏ល្បីល្បាញនៅប្រទេសជប៉ុន”