ជំរាបសួរ!  នាងខ្ញុំឈ្មោះ Aico ធ្វើការនៅ Japanese Beauty Salon CamiYui ដែលមានទីតាំងនៅផ្លូវ ៦៣។  ក្នុងចំណោមនារីកម្ពុជាគេនិយមធ្វើមុខ និងតែងខ្លួនស្ទីលលក្ខណៈប្រទេសផ្សេងៗ។  ក្នុងឱកាសនេះនាងខ្ញុំនឹងណែនាំជូននូវ “វិធីគូសចិញ្ចើមស្រីស្អាតលក្ខណ:ជប៉ុន” ដែលងាយស្រួលអនុវត្តសំរាប់គ្រប់គ្នា។

សិតចិញ្ចើម

១. ដំបូងសិតចិញ្ចើមដោយក្រាសសិតចិញ្ចើម។ មិនត្រូវប្តូររូបរាងចិញ្ចើមរបស់ខ្លួនខ្លាំងពេក គឺគ្រាន់តែតម្រឹមរោមចិញ្ចើមណាដែលចេញពីចន្លោះក្រាសដោយកន្ត្រៃ។

២. រោមទន់ៗនៅលើចិញ្ចើម ឬផ្នែកណាមិនចាំបាច់នៅផ្នែកខាងក្រោមនៃចិញ្ចើមត្រូវដកដោយប្រដាប់ដករោម ឬកោរដោយ កាំបិតកោរ ទើបចប់ជាស្ថាពរ!

គន្លឹះក្នុងការកាត់ រឺដករោមចិញ្ចើម

១. គូសព្រាងរូបរាងចិញ្ចើមណាដែលខ្លួនចង់បានដោយខ្មៅដៃសិនហើយដក ឬកាត់ចិញ្ចើមណាដែលដុះចេញលើសពីរូបរាងដែលយើងចង់បាន។

២. គូសរូបរាងចិញ្ចើម ក្នុងការតែងមុខនៅប្រទេសជប៉ុន គេគិតម៉ូតខុសប្លែកពីគ្នាទៅតាមលក្ខណៈទម្រង់មុខរបស់មនុស្សឬបរិយាកាសដែលគាត់ចង់បាននោះយ៉ាងដូចម្តេច។ សំភារៈប្រើប្រាស់សំរាប់គូស ចិញ្ចើមនោះក៏ខុសគ្នាទៅតាមលក្ខណៈចិញ្ចើមដែលចង់បាននោះដែរ។ ឧទាហរណ៍ ក្នុងករណីចង់គូសម៉ូតលក្ខណៈគួរឲ្យ ស្រឡាញ់នោះគេប្រើម៉្សៅចិញ្ចើមដើម្បីកុំឲ្យមើលឃើញរូបរាងចិញ្ចើមច្បាស់ពេក។ ផ្ទុយទៅ វិញក្នុងករណីចង់គូសឲ្យមាន លក្ខណៈមើលទៅមាន”ភាពត្រជាក់” “ស្អាតស្អំ” “មនុស្សស្អាត”នោះប្រើខ្មៅដៃចិញ្ចើមដើម្បីគូសរូបរាងអោយបានច្បាស់ដិត។

គន្លឹះក្នុងការគូស

គល់ចិញ្ចើម ត្រូវស្ថិតនៅចំខាងលើនៃដើមភ្នែក និងកំពូលចិញ្ចើម ត្រូវស្របទៅតាមចិញ្ចើមរបស់ខ្លួនដោយគូសពីគល់ចិញ្ចើមឲ្យឡើងប្រវែង២ភាគ៣នៃចិញ្ចើមទាំងមូល ហើយចុងចិញ្ចើម គឺត្រូវសិ្ថតនៅខាងចុងនៃខ្សែបន្ទាត់តភ្ជាប់ពីច្រមុះ និងកន្ទុយភ្នែក។

ក្រោយបានកំណត់៣ចំនុចខាងលើរួចហើយ ត្រូវគូសចិញ្ចើមមួយដើមៗដោយបំពេញបន្ថែមដោយប្រើខ្មៅដៃចិញ្ចើម។

របៀបជ្រើសរើសម៉្សៅចិញ្ចើម

អាចជ្រើសរើសទៅតាមពណ៌ស្បែកក៏បាន តែគួរជ្រើសរើសពណ៌ដូចគ្នា ឬស្រដៀងគ្នានឹងពណ៌សក់ គឺសមរម្យជាង។

ប្រវត្តិរូបសង្ខេប

MITO Aico (ជាងកាត់សក់)

ធ្វើការជាជាងកាត់សក់អស់រយ:ពេល១០ឆ្នាំនៅប្រទេសជប៉ុន ហើយបានមកភ្នំពេញនៅឆ្នាំ ២០១៥។  ជាប្រធានគ្រប់គ្រងហាងកាត់សក់ជប៉ុន “CamiYui” មានទីតាំងនៅផ្លូវ៦៣ ក្នុងភ្នំពេញនៅខែមេសា ឆ្នាំដដែលរហូតដល់សព្វថ្ងៃនេះ ហើយបានទទួលការងារធ្វើសក់ ឬតុបតែងមុខឲ្យអតិថិជនកម្ពុជាជាច្រើននាក់។
សម្រាប់ពត៌មានបន្ថែម ៖