(ភាសាខ្មែរ) ការដកថ្គាមទាល់ - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) ការដកថ្គាមទាល់

TOP › Column › column of MALIS Dental Clinic › (ភាសាខ្មែរ) ការដកថ្គាមទាល់

2020.03.14

column of MALIS Dental Clinic

សុខភាពមាត់ធ្មេញ

មនុស្សយើងជាទូទៅតែងតែខ្លាចរអាក្នុងការដកធ្មេញមិនថាវ័យណានោះទេ ជាពិសេសចំពោះការដកធ្មេញថ្គាមទាល់។ តើហេតុអ្វីបានជាយើងត្រូវដកថ្គាមទាល់ចេញ?

ថ្គាមទាល់ជាធ្មេញថ្គាមទីបីដែលដុះចេញមកក្រោយគេបង្អស់នៃធ្មេញរបស់មនុស្សយើងគ្រប់ៗគ្នា។ ធ្មេញថ្គាមទាល់មានចំនួនបួនគឺ ធ្មេញថ្គាមទាល់លើ ក្រោម និងនៅឆ្វេង ស្ដាំ ហើយវាចាប់ដុះចេញមកនៅលើមនុស្សគ្រប់រូបដែលមានអាយុចន្លោះពី ១៧ ទៅ ២៥ឆ្នាំ។ ករណីពុំឃើញមានធ្មេញថ្គាមទាល់ដុះចេញមកទេនោះ គឺបានន័យថាវាអាចដុះកប់នៅក្នុងអញ្ចាញគល់ធ្មេញឬក៏មិនមានដុះចេញមក។ មានមូលហេតុជាច្រើនដែលពេទ្យធ្មេញណែនាំឲ្យអ្នកជំងឺដកធ្មេញថ្គាមទាល់ចេញ ព្រោះថាបើទុកវាយូរនឹងបង្ករឲ្យមានហានិភ័យនៃការខូចខាតដល់ធ្មេញជិតខាង ការឈឺចាប់រលាកនៅតំបន់ថ្គាមទាល់ និងការពិបាកក្នុងការដុសសំអាត ដែលអាចឲ្យមានការបង្កររោគហើយបណ្ដាលឲ្យមានហើមឬខ្ទុះ។ ម្យ៉ាងវិញទៀត វាក៏អាចបង្ករឲ្យរលាកឆ្អឹងនិងអាចក្លាយទៅជា គីសវិវត្តជាមហារីក បើសិនជាមិនបានព្យាបាលឲ្យទាន់ពេលវេលាទេ។ លើសពីនេះ នៅពេលអ្នកជំងឺចង់ពត់តម្រង់ធ្មេញនោះ គេតំរូវឲ្យដកថ្គាមទាល់ចេញព្រោះថ្គាមទាល់វានឹងរំខានដក់ការពត់ធ្មេញឲ្យត្រង់ និងពេលខ្លះវាអាចនិងរុញធ្មេញឲ្យមានសភាពមិនត្រង់ជួរវិញបាន ដោយសារកំលាំងរុញនិងទីតាំងដុះមានឆ្អឹងក្រាស់ហើយខ្ពស់ជាងគេ។ មូលហេតុមួយទៀតគឺ ថ្គាមទាល់ជាធ្មេញដុះនៅខាងក្រោយគេបង្អស់ ហើយវាមានទីតាំងពិបាកមើលនិងពិបាកដុះសំអាត ដូចនេះបើសិនវាមានបញ្ហាគឺពិបាកព្យាបាលឲ្យបានល្អដូចជាធ្មេញដទៃទៀត។

ជាសរុប ការដកថ្គាមទាល់ចេញគឺពុំមានអ្វីដែលត្រូវឲ្យខ្លាចរអានោះទេ តែផ្ទុយទៅវិញការដកថ្គាមទាល់គឺជាការបង្ការដ៏ល្អនិងអាចនាំឱ្យជៀសផុតពីបញ្ហានៃសុខភាពមាត់ធ្មេញ។ ការឈឺធ្មេញមិនមែនជារឿងធម្មតាទេ ដូច្នេះគួរតែព្យាបាលនិងទទួលយកវិធីបង្ការនូវបញ្ហាឲ្យបានទាន់ពេល ដើម្បីចៀសវាងការឈឺចាប់ ការចំនាយពេលនិងថវិកាច្រើន ព្រមទាំងអាចប៉ះពាល់ដល់អាយុជីវិតយើងផងដែរ។

សម្រាប់ពត៌មានបន្ថែម ៖