ជាង៦ឆ្នាំហើយ ដែលខ្ញុំបានបើកគ្លីនិកជប៉ុនទី១នៅប្រទេសកម្ពុជា។ ខ្ញុំបានពិនិត្យអ្នកជម្ងឺនៅកម្ពុជាជាច្រើននាក់។ ឆ្លងតាមបទពិសោធន៍នេះ ខ្ញុំសូមបង្ហាញពីបញ្ហាខ្លះៗដែលគួរយល់ដឹង និងកែលំអ ដោយផ្អែកលើចំណេះដឹងវេជ្ជសាស្រ្តចុងក្រោយ។

ក្តៅខ្លួន

ពេលដែលក្តៅខ្លួនប្រជាជនកម្ពុជាប្រញាប់ដោះសម្លៀកបំពាក់ចេញ ដោយសំដិលខ្លួនឲ្យត្រជាក់ជាមួយនឹងទឹក ហើយពួកគេនិយាយថាកុំញុំាទឹកត្រជាក់។ ជាការពិតទង្វើនេះ គឺខុសឆ្គងទៅវិញ។

វិធីដែលត្រឹមត្រូវ គឺបើសិនជាអ្នកមានអារម្មណ៍ថាក្តៅខ្លួន អ្នកត្រូវញុំាអ្វីដែលត្រជាក់ចូលខ្លួនទៅក្នុងដើម្បីបញ្ចុះកម្តៅ តែបើអ្នកមានអារម្មណ៍ថាត្រជាក់ខ្លួន អ្នកត្រូវរកអ្វីដែលក្តៅឧណ្ហៗមកញុំា។ ពោល គឺធ្វើអ្វីដែលខ្លួនគិតថាមានអារម្មណ៍ស្រួលខ្លួន។

របួស

ខ្ញុំតែងតែឃើញអ្នករងរបួសដាក់អ្វីៗជាច្រើននៅលើមុខរបួស ដូចជាថ្នាំសម្លាប់មេរោគ ប្រេងខ្យល់ ឬប្រេងផ្សេងៗដែលមានក្លិនឈួលខ្លាំង ហើយអ្វីដែលកាន់តែអាក្រក់ជាងគេនោះ គឺគេរុំស្បៃ។

វិធីត្រឹមត្រូវដែលយីងគួរធ្វើនោះ គឺទី១ត្រូវលាងមុខរបួសដោយទឹកស្អាត គឺជាការសំខាន់។ បើយើងប្រើទឹកថ្នាំសម្លាប់មេរោគនោះ វាមិនបានជួយអ្វីទេ តែវាបែរជាបំផ្លាញកោសិការបស់យើងទៅវិញ។ កុំយកស្បៃមករុំជិតមុខរបួស ព្រោះវាជាប់ស្អិត បណ្តាលឲ្យមានការឈឺចាប់នៅពេលយើងបកវាចេញ ជួនកាលវាអាចមានឈាមទៀតផង ដោយសារតែការរបកកោសិកាស្បែកដែលកំពុងតែជាសះស្បើយនោះ។ អ្នកគួរលាប Vaseline ជាមុនសិន ទើបរុំដោយស្បៃជាក្រោយ។

ប្រវត្តិរូបសង្ខេប

លោកវេជ្ជបណ្ឌិត OKUZAWA Ken

លោកកើតនៅឆ្នាំ១៩៦៣ បញ្ចប់ការសិក្សានៅមហាវិទ្យាល័យវេជ្ជសាស្រ្តតូក្យូ ហើយបានបើកគ្លីនិកឈ្មោះ  ខេ គ្លីនិក ​  ៉Ken Clinic  ៉ នៅខែកុម្ភៈ ឆ្នាំ២០១០នៅទីក្រុងភ្នំពេញ។

សម្រាប់ពត៌មានបន្ថែម ៖