ការសំអាតធ្មេញឲ្យបានស្អាតល្អ ជារឿងសំខាន់ជាងគេសំរាប់សុខភាពមាត់ធ្មេញរបស់បុគ្គលនិមួយៗ ដែលវាសាមញ្ញនិងមិនគួរមើលរំលង។ ការសំអាតធ្មេញមានការបែងចែកចេញជាពីរប្រភេទគឺ ការសំអាតធ្មេញដោយខ្លួនយើងផ្ទាល់ដែលយើងដុសសំអាតជារៀងរាល់ថ្ងៃ និងការសំអាតធ្មេញដោយពេទ្យធ្មេញជារៀងរាល់៦ខែម្ដង។ ថ្ងៃនេះយើងខ្ញុំនឹងលើកយកតែអត្ថបទនិយាយពីផលប្រយោជន៍នៃការសំអាតធ្មេញ ដោយពេទ្យធ្មេញតែប៉ុណ្ណោះជូនប្រិយមិត្តអាន។ តើអ្នកដឹងទេថា តើការសំអាតធ្មេញដោយពេទ្យធ្មេញនៅគ្លីនិកធ្មេញ ធ្វើឡើងយ៉ាងដូចម្ដេច? ហើយវាមានប្រើឧបករណ៍អ្វីខ្លះនិងមានសារប្រយោជន៍អ្វីខ្លះ?

ពិតណាស់ការសំអាតធ្មេញនៅគ្លីនិកធ្មេញដោយពេទ្យធ្មេញ ត្រូវបានគេប្រើប្រាស់ឧបករណ៍ដែលអាចសំអាតបានស្អាតល្អ ដែលអាចសំអាតបានគ្រប់ផ្នែកទាំងអស់នៃធ្មេញ និងសំអាតបានស្អាតល្អលើសពីច្រាស់ដុសធ្មេញ ដែលយើងដុសសំអាតដោយខ្លួនយើងផ្ទាល់។ ឧបករណ៍ទាំងនោះមាន ឧបករណ៍សំអាតធ្មេញដោយម៉ាស៊ីន (ultra sonic scaler) ឧបករណ៍សំអាតធ្មេញដោយដៃ (hand scaler) ច្រាស់សំរាប់ប៉ូលាជាមួយថ្នាំប៉ូលានិងអំបោះទាក់ធ្មេញសំអាតចន្លោះធ្មេញ (dental floss)។ ឧបករណ៍ទាំងនេះនឹងអាចសំអាតធ្មេញបានស្អាតគ្រប់ទីតាំង ចន្លោះធ្មេញនិងអញ្ចាញធ្មេញបានស្អាតល្អ។ ការសំអាតធ្មេញដោយពេទ្យធ្មេញ គឺមានផលប្រយោជន៍ជាច្រើនដូចជា ការទប់ស្កាត់នូវរោគពុកធ្មេញ បញ្ហាអញ្ចាញធ្មេញ ការសំអាតកំណកកំបោរ និងបញ្ហាក្លិនមាត់។

ម្យ៉ាងវិញទៀត ប្រសិនជាយើងមានបញ្ហាធ្មេញនានា យើងនឹងអាចព្យាបាលទាន់ពេលវេលា ជៀសវាងទុកយូរនាំឱ្យមានការឈឺចាប់ ចំនាយពេលវេលាច្រើនក្នុងការព្យាបាល និងការចំនាយថវិការច្រើន។ លើសពីនេះទៅទៀត ការសំអាតធ្មេញជាមួយពេទ្យធ្មេញក៏ជួយឲ្យលោកអ្នកអាចថែរក្សា និងតាមដានសុខភាពមាត់ឲ្យធ្មេញបានល្អ ជាពិសេសសុខភាពមាត់ធ្មេញនេះ ក៏ជាផ្នែកមួយនៃសម្រស់របស់យើងទាំងអស់គ្នាផងដែរ។ ដូចនេះ ការដុសសំអាតធ្មេញដោយខ្លួនយើងជារៀងរាល់ថ្ងៃ មិនទាន់គ្រប់គ្រាន់ច្បាស់លាស់ថាយើងមិនមានបញ្ហានោះទេ។ លោកអ្នកគួរតែទៅសំអាតជាមួយពេទ្យធ្មេញ ដែលនៅជិតលោកអ្នកឲ្យបានទៀងទាត់ ដោយយ៉ាងតិចរៀងរាល់៦ខែម្ដង ដើម្បីរក្សាសុខភាពមាត់ឲ្យបានល្អនិងអាចការពារទប់ស្កាត់ រួមទាំងធ្វើការព្យាបាលឲ្យបានទាន់ពេលវេលា។

សម្រាប់ពត៌មានបន្ថែម ៖

Facebook page:

Map:

NyoNyum Khmer No.36

(ភាសាខ្មែរ) ជ្រុងមួយរបស់បងយូគី មូលហេតុអ្វីបានជា បងយូគី មកប្រទេសកម្ពុជា？

Read More

(日本語) 最新号は「クリスマス」特集！　NyoNyum Khmer36号を発行しました

Read More

(ភាសាខ្មែរ) អ្វីទៅ គឺជាបុណ្យណូអែល? 【Special】

Read More

(ភាសាខ្មែរ) ពិធីបុណ្យណូអែលនៅប្រទេសកម្ពុជា 【Special】

Read More

(ភាសាខ្មែរ) កាដូសម្រាប់អ្នកក្នុងថ្ងៃបុណ្យគ្រីស្តស្មាស់ 【Special】

Read More