ជំរាបសួរ! ខ្ញុំឈ្មោះម៉ាត្សុហ្សាគី ធ្វើការនៅក្រុមហ៊ុនធានារ៉ាប់រង ISSHIN។ ខ្ញុំធ្លាប់ធ្វើការជាកងសង្គ្រោះក្នុងក្រុមពន្លត់អគ្គិភ័យនៅប្រទេសជប៉ុន។ ថ្ងៃនេះខ្ញុំសូមចែករំលែកនូវបទពិសោធន៍របស់ខ្ញុំអំពី “ បច្ចេកទេសក្នុងការសង្គ្រោះជីវិតមនុស្ស“។

នៅពេលមនុស្សសំខាន់របស់អ្នកដួលសន្លប់ភ្លាមៗ ឬមានគ្រោះថ្នាក់ចរាចរណ៏ តើអ្នកអាចជួយសង្គ្រោះបានទេ?

នៅប្រទេសកម្ពុជាមានគ្រោះថ្នាក់ចរាចរណ៏ច្រើនណាស់។ ជាងនេះទៅទៀតនោះទោះជាហៅឡានពេទ្យក៏មិនងាយមកដល់។ ដូច្នេះមានតែត្រូវជួយសង្គ្រោះមនុស្សសំខាន់របស់អ្នកដោយខ្លួនរបស់អ្នកផ្ទាល់។ឥឡូវនេះខ្ញុំសូមបង្ហាញអំពីវិធីសាស្រ្តពិនិត្យមើលលើមនុស្សដែលដួលសន្លប់ និងវិធីសង្គ្រោះបឋមលើការស្ទះផ្លូវដង្ហើម។

<ពិនិត្យមើល>

មានគោលការណ៏៣យ៉ាងក្នុងការមើលលើមនុស្សដែលដួលសន្លប់។

១. ស្ថានភាពជុំវិញ

សូមប្រយ័ត្នមហន្តរាយកើតឡើងសាជាថ្មី (លើកទី២) ហើយត្រូវធ្វើយ៉ាងណារក្សាអោយបាននូចសុវត្ថិភាពខ្លួនឯងសិនហើយទើបទៅមើលជនរងគ្រោះ។

២. ដឹងខ្លួនឬអត់…

ត្រូវសួរទៅជនរងគ្រោះថា [អូនៗ] ឬ [មានកើតអីអត់ហ្នឹង? ហើយទះស្មាតិចៗ។ ពេលនោះបើជនរងគ្រោះបើកភ្នែក ឬកំរើកដៃជើង យើងសន្មត់ថាដឹងខ្លួន តែបើអត់មានសកម្មភាពតបមកវិញទេ គឺបាត់ស្មារតី។

៣. ដកដង្ហើមឬអត់…

ពិនិត្យមើលថាតើជនរងគ្រោះដកដង្ហើមឬអត់ដោយមើលទៅលើចលនាដើមទ្រូងដោយភ្នែក ស្តាប់ដង្ហើមដោយត្រចៀកពិនិត្យដង្ហើមដោយថ្ពាល់ក្នុងរយៈពេល១០វិនាទី។

** អត់ដកដង្ហើមមានលក្ខណៈដូចខាងក្រោ

. ទ្រូងគ្មានចលនាចុះឡើង មិនឮសំលេងដកដង្ហើម គ្មានអារម្មណ៍ថាខ្យល់ដង្ហើមប៉ះនឹងថ្ពាល់។

. បើសិនដង្ហើមដកដាច់ៗ  ទោះជាមើលទៅដូចជាមានដង្ហើម  តែត្រូវសន្មត់ថាអត់ដកដង្ហើម។

បាត់ដង្ហើម

ស្ទះផ្លូវដង្ហើម ទើបមិនអាចដកដង្ហើមបាន។ យើងដឹងការបាត់ដង្ហើមនេះតាមរយៈក្អកផង និងមានសំលេងដកដង្ហើមផង។ ហើយករណីស្ទះផ្លូវដង្ហើមទាំងស្រុងនោះ ដោយសារមិនអាចបញ្ចេញសំលេងក៏យកដៃទៅច្របាច់ក។ នេះគេហៅថា [ឆកសាញ ] វាជាការធ្វើសញ្ញាដូចគ្នាទាំងអស់នៅលើពិភពលោក។ វិធីដោះស្រាយពេលស្ទះផ្លូវដង្ហើម គឺត្រូវក្អក។ បើសិនក្អកហើយមិនបានផល គឺត្រូវធ្វើដូចខាងក្រោម៖

វិធីរឹតពោះ (វិធីហេមលិច)

ឱបជនរងគ្រោះពីក្រោយដោយដៃទាំង២ ហើយដាក់ដៃម្ខាងចំលើផ្នែកខាងក្រោមបន្តិចនៃពោះនិងដៃម្ខាងទៀតចាប់លើដៃមុន ហើយសង្កត់ទាញឡើងលើភ្លាម។

វិធីទះពីខ្នង​ 

ទះខ្នងជនរងគ្រោះត្រង់ចន្លោះឆ្អឹងស្លាបប្រជៀវទាំងសងខាងដោយទ្រនុងបាតដៃខ្លាំងៗជាច្រើនដង។ ​​​​​​​​​​​​​​​​​​​​​​​​​​​​

នេះគ្រាន់តែជាវិធីសង្គ្រោះបន្ទាន់ដោយប្រើរបស់របរដែលមាននៅជុំវិញខ្លួន ក្នុងករណីដែលខាងផ្នែកមន្ទីរពេទ្យមកមិនទាន់។ ជាធម្មតាសូមប្រើបង់អនាម័យ។ ហើយបន្ទាប់ពីសង្គ្រោះបឋមហើយនាំទៅពិនិត្យនៅមន្ទីរពេទ្យទៀត។

ជីវប្រវត្តិសង្ខេប

លោក Matsuzaki Masayuki

កងសង្គ្រោះក្នុងក្រុមពន្លត់អគ្គិភ័យនៅប្រទេសជប៉ុនរយៈពេល៧ឆ្នាំ។ នៅអាយុ៣០ឆ្នាំបានប្តេជ្ញាចិត្តនឹងសាកល្បងចេញទៅបរទេស។ ដោយកាលនៅជានិស្សិតធ្លាប់មកធ្វើជាអ្នកស្ម័គ្រចិត្តនៅប្រទេសកម្ពុជាក៏បានសំរេចចិត្តមកកម្ពុជាម្តងទៀត។ សព្វថ្ងៃធ្វើការងារនៅក្រុមហ៊ុនធានារ៉ាប់រង ISSHIN ផង និងធ្វើសកម្មភាពលើកកំពស់អំពីការសង្គ្រោះបន្ទាន់ផង។ ពីឆ្នាំ២០១៧មានគំរោងចាប់ផ្តើមសេវាកម្មធានារ៉ាប់រងដល់ប្រជាជនខ្មែរ។ លើសពីនេះទៀតខ្ញុំនឹងខិតខំឲ្យអស់ពីកំលាំងកាយចិត្តក្នុងការដឹកនាំផ្នែកបច្ចេកទេសពន្លត់អគ្គិភ័យសង្គ្រោះបន្ទាន់ និងផ្តល់ជំនួយសំភារៈទប់ស្កាត់គ្រោះមហន្តរាយដែលចាប់ផ្តើមពីឡានទឹកឡើងទៅ។
សម្រាប់ពត៌មានបន្ថែម ៖