(ភាសាខ្មែរ) ស្វែងយល់ពីនិយោជិកបំរើការងារនៅក្នុងវិស័យឯកជន និងមន្ត្រីសាធារណៈប្រើប្រាស់ប័ណ្ណ ប.ស.ស.

TOP › Column › NyoNyum Khmer › (ភាសាខ្មែរ) ស្វែងយល់ពីនិយោជិកបំរើការងារនៅក្នុងវិស័យឯកជន និងមន្ត្រីសាធារណៈប្រើប្រាស់ប័ណ្ណ ប.ស.ស.

2020.11.16

NyoNyum Khmer

បច្ចុប្បន្នអគ្គនាយកដ្ឋានបេឡាជាតិសន្តិសុខសង្គមកំពុងធ្វើការផ្សព្វផ្សាយច្រើនពីអត្ថប្រយោជន៍នៃការចុះឈ្មោះជាសមាជិកនៃប.ស.ស. ។ មានស្រ្តីជាកម្មការនីមានផ្ទៃពោះជាច្រើនកំពុងទទួលបានអត្ថប្រយោជន៍ពីប័ណ្ណ ប.ស.ស. នេះ។ ការចុះទៅសួរសុខទុកជនរងគ្រោះពីការងារនៅមូលដ្ឋាន ការបើកកិច្ចប្រជុំ ឬសិក្ខាសាលានានាស្តីពីការអភិវឌ្ឍរបស់របប ប.ស.ស. និងការបើកអោយមានការសាកសួរព័ត៌មានទូទៅផ្សេងៗទាក់ទងនឹងប័ណ្ណ ប.ស.ស. តាមរយៈប្រព័ន្ធផ្សព្វផ្សាយសង្គជាដើម បានបង្ហាញពីការយកចិត្តទុកដាក់ខ្ពស់ពី ប.ស.ស. ក្នុងការផ្តល់ជូន និងធ្វើអោយប្រសើឡើងនូវសេវាសន្តិសុខសង្គមនេះ ជូនដល់ប្រជាពលរដ្ឋដែលជាសមាជិក។

● បទសម្ភាសន៍៖ អ្នកនាង បាន ស្រីគីម

អ្នកស្រី បាន ស្រីគីម អាយុ ២៧ ឆ្នាំ បានបំរើការងារជាបុគ្គលិកការិយាល័យនៅទីក្រុងភ្នំពេញអស់រយៈពេលជិត ៥ ឆ្នាំ ហើយបានចូលជាសមាជិករបស់ ប.ស.ស. តាំងពីខែធ្នូឆ្នាំមុនមក។ នៅពេលអ្នកស្រីបានសម្រាលកូននៅខែមេសាឆ្នាំនេះ អ្នកស្រីបានទទួលសេវាពីប័ណ្ណ ប.ស.ស. ដូចជា ការធ្វើតេស្តអេកូមុនពេលមានផ្ទៃពោះ ការធ្វើតេស្តឈាមនិងបេះដូងជាដើម រហូតដល់ពេលសម្រាលកូន។ អ្នកស្រីមានប្រសាសន៍ថា៖ “ប្រសិនបើអ្នកចង់ប្រើប័ណ្ណ ប.ស.ស. របស់អ្នក អ្នកចាំបាច់ត្រូវរកមើលថាតើមន្ទីរពេទ្យដែលខ្លួនចង់ទៅនោះ ជាសមាជិកនៃ ប.ស.ស. ជាមុនសិន។ ចំពោះនិតិវិធីនៃការប្រើប្រាស់កាតប.ស.ស. អ្នកស្រីគីមបានប្រាប់អោយដឹងថា៖ “ប្រសិនបើអ្នកចង់ប្រើប័ណ្ណ ប.ស.ស. របស់អ្នក អ្នកចាំបាច់ត្រូវរកមើលថាតើមន្ទីរពេទ្យដែលខ្លួនចង់ទៅនោះជាសមាជិកនៃ ប.ស.ស. ជាមុនសិន។ សម្រាប់នាងខ្ញុំ ជាក់ស្តែងគឺបានទៅបានមន្ទីពេទ្យកាល់ម៉ែត្រ។ ពេលទៅដល់មន្ទីរពេទ្យ មុនដំបូងនាងខ្ញុំបានទៅជួបខាងការិយាល័យ ប.ស.ស. ដោយបង្ហាញកាត ប.ស.ស. ទៅកាន់បុគ្គលិកទទួលបន្ទុកផ្នែកនោះក្រោយពីពួកគាត់បានបំពេញអោយហើយ យើងអាចយកក្រដាសនោះមកជួបខាងក្រុមគ្រូពេទ្យ។” អ្នកនាងស្រីគីមក៏បានប្រើប្រាស់សេវាកម្មនៅពេលសម្រាកលំហែមាតុភាពផងដែរ។ “ប្រសិនបើអ្នកមានអាការៈមិនស្រួលត្រូវទៅមន្ទីពេទ្យ អ្នកក៏ទទួលបានសេវាថែទាំសុខភាពគ្រប់យ៉ាងដូចពេលមិនទាន់សម្រាលដែរ។ ហើយសម្រាប់ការធ្វើបែបបទវិញគឺគ្មានអ្វីស្មុគស្មាញទេ អ្នកគ្រាន់តែបង្ហាយកាត ប.ស.ស. និងរង់ចាំយកលិខិតដែលបំពេញបែបបទដោយមន្ត្រីតាមលេខតែប៉ុណ្ណោះ។”

អ្នកស្រីគីម បានប្រាប់ទៀតដែរថា ព័ត៌មាននៃការផ្តល់សេវារបស់ ប.ស.ស. មានបញ្ជាក់នៅលើគេហទំព័រ និងហ្វេសបុកផេកផ្លូវការរបស់ ប.ស.ស. ប៉ុន្តែយើងក៏អាចទទួលបានព័ត៌មានទាំងនោះបានផងដែរ តាមរយៈការទាញយកកម្មវិធីអែបរបស់ ប.ស.ស.។ អ្នកស្រីគីម បានសម្តែងនូវការពេញចិត្តចំពោះសេវាកម្មសម្រាប់ស្រ្តីមានផ្ទៃពោះអនុវត្តន៍ដោយ ប.ស.ស. ផងដែរ។ “ក្នុងការសម្រាលកូនទីមួយរបស់នាងខ្ញុំលើកនេះ បន្ទុកហិរញ្ញវត្ថុត្រូវបានកាត់បន្ថយដោយសារប័ណ្ណ ប.ស.ស.។ នាងខ្ញុំសូមលើកទឹកចិត្តដល់ស្រ្តីដទៃអោយចូលរួមចុះឈ្មោះជាសមាជិក និងប្រើប្រាស់នូវសេវានានាដែលផ្តល់ជូនដោយរបប ប.ស.ស. នេះកុំបីខាន ព្រោះវាបានផ្តល់ផលប្រយោជន៍ច្រើនពិតមែនហើយក្រុមគ្រូពេទ្យក៏ពុំបានរើសអើងប្រកាន់វណ្ណៈអ្វីចំពោះអ្នកប្រើប័ណ្ណនេះផងដែរ” ។

● បទសម្ភាសន៍៖ អ្នកស្រី វែង ស្រីលក្ស

អ្នកស្រី វែង ស្រីលក្ស អាយុ ២៧ ឆ្នាំបំរើការងារជាបុគ្គលិកជាប់កិច្ចសន្យានៅការិយាល័យរដ្ឋាភិបាលមួយនៅខេត្ត កំពង់ឆ្នាំង ចាប់តាំងពីឆ្នាំ ២០១៧។ អ្នកស្រីបានចុះឈ្មោះសមាជិកភាពនៃ ប.ស.ស. នៅឆ្នាំ ២០១៩ ហើយខ្ញុំបានប្រើកាត ប.ស.ស. ជាលើកដំបូងនៅខែតុលា ឆ្នាំ ២០២០ នៅក្នុងការសម្រាលកូនលើកទីមួយរបស់ខ្លួនដោយការវះកាត់។
“កាត ប.ស.ស. បានជួយនាងខ្ញុំបានច្រើនក្នុងអំឡុងពេលសម្រាលកូននៅមន្ទីរពេទ្យ។ ពេលទៅមន្ទីរពេទ្យដំបូង នាងខ្ញុំត្រូវបានគេសួររកកាត ប.ស.ស. ឬប័ណ្ណគ្រួសារក្រីក្រនៅឯកន្លែងផ្តល់ព័ត៌មាន។ ពេលនោះនាងខ្ញុំបានបង្ហាញកាត ប.ស.ស. និងអត្តសញ្ញាណប័ណ្ណដល់បុគ្គលិកមន្ទីរពេទ្យ ដើម្បីធ្វើនីតិវិធីនៃការសំរាលកូននៅមន្ទីរពេទ្យនោះភ្លាម។ បន្ទាប់ពីសម្រាលកូនរួច បុគ្គលិកពេទ្យបានប្រាប់អំពីការដាក់ពាក្យសុំប្រាក់ឧបត្ថម្ភសម្រាប់ការឈប់សម្រាកថែទាំទារក ហើយប្តីរបស់នាងខ្ញុំបានធ្វើការដាក់ពាក្យស្នើសុំនោះ។ ខ្ញុំមានអារម្មណ៍ធូរចិត្តច្រើនដោយដឹងថាខ្លួនមិនចាំបាច់បង់ថ្លៃអ្វីៗទាំងអស់សម្រាប់សេវាថែទាំមុននិងក្រោយពេលសម្រាលកូនលើកនេះ។”

សម្រាប់ពត៌មានបន្ថែម ៖