(日本語) មាគ៌ាឆ្ពោះទៅកាន់ការប្រកួតកីឡាអូឡាំពិកទីក្រុងតូក្យូ–កំណត់ត្រាទី១នៃការតស៊ូរបស់ក្រុមហែលទឹកជម្រើសជាតិកម្ពុជា
(日本語) មាគ៌ាឆ្ពោះទៅកាន់ការប្រកួតកីឡាអូឡាំពិកទីក្រុងតូក្យូ–កំណត់ត្រាទី១នៃការតស៊ូរបស់ក្រុមហែលទឹកជម្រើសជាតិកម្ពុជា
2019.06.24

ពីគេហទំព័រទស្សនាវដ្តីញញឹមចុះថ្ងៃទី២០ ខែមិថុនា ឆ្នាំ២០១៩

នៅថ្ងៃទី២០ ខែមិថុនា ជាថ្ងៃនៃការប្រកាសលក់សំបុត្រតូក្យូអូឡាំពិក ដែលនឹងប្រព្រឹត្តទៅនាឆ្នាំក្រោយ។ នៅក្នុងប្រព័ន្ធផ្សព្វផ្សាយនីមួយៗ មានព័ត៌មានដែលផ្សាយពីការប្រកាសឱ្យមានការយកចិត្តទុកដាក់ចំពោះព្រឹត្តការណ៍ក្លែងបន្លំពីការឈ្នះជាប់សិទ្ធិទិញសំបុត្រ ហើយនៅលើប្រព័ន្ធផ្សព្វផ្សាយសង្គម SNS វិញ មានមនុស្សជាច្រើននិយាយគ្នាពីការប្រកាសផ្សាយជាឪឡារឹកអបអរសាទរអ្នកជាប់សិទ្ធិទិញនោះ ហើយចំពោះអ្នកពុំបានជាប់វិញ ត្រូវធ្វើការត្រួតពិនិត្យពីរបៀបនៃការចុះឈ្មោះ និងចុះលេខ ID នៅថ្ងៃបន្ទាប់ជាដើម។ នៅរាជធានីភ្នំពេញនៃប្រទេសកម្ពុជា ដែលស្ថិតនៅឆ្ងាយពីប្រទេសជប៉ុនឯណោះវិញ មានគ្រូបង្វឹកជនជាតិជប៉ុនម្នាក់ កំពុងបង្រៀនការហ្វឹកហាត់អស់ពីកម្លាំងកាយចិត្តដល់កីឡាករហែលទឹកកម្ពុជា។ អ្វីៗទាំងអស់គឺសំរាប់ការចូលរួមប្រកួតកីឡាអូឡាំពិកនៅទីក្រុងតូក្យូឆ្នាំ២០២០។

 

យើងនឹងណែនាំពីការចុះផ្សាយនៃការនិពន្ធរបស់អ្នកគ្រូបង្វឹកកីឡាហែលទឹកកម្ពុជាម្នាក់ឈ្មោះ Ikuyama Saki នៅក្នុងទស្សនាវដ្តីញញឹមលេខ១០១ ដែលបានផ្សាយនៅថ្ងៃទី១០ ខែមិថុនា។

 

អ្នកគ្រូត្រឡប់មកវិញហើយ!


សូមជម្រាបសួរ! នាងខ្ញុំឈ្មោះ Ikuyama Saki ជាគ្រូបង្វឺកបង្គោលនៃសហព័ន្ធកីឡាហែលទឹកកម្ពុជា។ នាងខ្ញុំបានត្រឡប់មកប្រទេសកម្ពុជាវិញម្តងទៀត បន្ទាប់ពីបានបញ្ចប់តួនាទីការងាររយៈពេល២ឆ្នាំ ក្នុងនាមជាគ្រូកីឡាហែលទឺកនៃអ្នកស្ម័គ្រចិត្តសហប្រតិបត្តិការយុវជននៅក្រៅប្រទេស របស់អង្គការ JICA  មកកាន់ប្រទេសកម្ពុជាកាលពីខែមករា ឆ្នាំ២០១៦។ មានមូលហេតុតែមួយគត់ដែលនាំឱ្យខ្ញុំ​ត្រឡប់មកវិញ នោះ​គឺដើម្បីនាំសិស្សដែលបានបង្ហាត់បង្រៀនទៅចូលរួមពិធីប្រកួតកីឡាអូឡាំពិកនៅទីក្រុងតូក្យូ។

ក្រុមហែលទឹកកម្ពុជា ជាក្រុមដែលមានកំរិតខ្សោយនៅឡើយ បើប្រៀបធៀបនឹងក្រុមនានានៅក្នុងតំបន់អាស៊ីអាគ្នេយ៍។ កាលពីខ្ញុំមក៣ឆ្នាំមុន នៅក្នុងពិធីប្រកួតអាស៊ីអាគ្នេយ៍ យើងបានប្រគួតចាញ់កីឡាករមកពីប្រទេសផ្សេង នៅក្នុងការប្រគួតចម្ងាយ១០០ម៉ែត្រ ដោយគម្លាតរហូតដល់២៥ម៉ែត្រ។ កីឡាករយើងនាពេលនោះ ត្រូវបានគេហៅថាជា “សត្វអណ្តើក” ។ ក៏ប៉ុន្តែ ទោះបីជាមានការហៅដូចច្នោះក៏ដោយ​ កីឡាករទាំងអស់គ្នាបានសប្បាយរីករាយជាមួយនឹងការហែលទឹកនៅក្នុងអាងហែលទឹកដ៏ថ្លាខៀវស្រងាត់នោះជាខ្លាំង។ ក្រសែភ្នែកដ៏ស្មោះត្រង់របស់ពួកគេ បានដឹតជាប់នៅក្នុងចិត្តរបស់ខ្ញុំ ហើយខ្ញុំបានស្បថនៅក្នុងចិត្តថា នឹងជឿជាក់លើក្តីសុបិន្តនិងលទ្ធភាពរបស់កុមារទាំងនេះរហូតដល់ទីបញ្ចប់។

ចាប់ពីពេលនោះរហូតមកដល់ថ្ងៃនេះ មានរយៈពេល៣ឆ្នាំកន្លះហើយ។ បើនិយាយពីពាក្យថា “មេដែ” ឃើញថាពិភពលោកយើងនេះ ត្រូវការតែលទ្ធផលដែលមើលឃើញតែនឹងភ្នែកប៉ុណ្ណោះ។ មានបញ្ហាដែលកើតឡើងជាបន្តបន្ទាប់នៅក្នុងសង្គម ដែលឃ្លាតឆ្ងាយពីមេដៃនោះ។ ជារៀងរាល់ថ្ងៃ មានពាក្យរិះគន់ដោយគ្មានការគិតពិចារណាមួយចំនួនថា យើងជាក្រុមពួកចាញ់ ទោះបីជាមានគ្រូបង្វឹកជនជាតិជប៉ុនមកក៏ដោយ ក៏នៅតែយកមេដៃពុំបានទៀត ។ ពេលនោះនិយាយតាមត្រង់ទៅ​ ខ្ញុំពិតជាមានអារម្មណ៍ពិបាកហើយគិតថា នឹងវិលត្រឡប់ទៅប្រទេសជប៉ុនវិញជាច្រើនដង។ យ៉ាងណាមិញ ដោយសារតែមានអ្នករាល់គ្នាដែលជឿជាក់លើខ្ញុំ ហើយគេនឹងត្រូវការខ្ញុំ។ ដោយសារតែខ្ញុំចង់សម្រេចក្តីសុបិនជាមួយនឹងអ្នករាល់គ្នា។ ដោយសារតែមានកីឡាករដែលនិយាយថា “ខ្ញុំចង់យកមេដៃពីការប្រគួតអន្តរជាតិមកពាក់អោយអ្នកគ្រូ!”។ ដូច្នេះហើយរហូតមកដល់ថ្ងៃនេះ ខ្ញុំនៅបន្តហែលទឹកជាមួយក្រុមកីឡាករកម្ពុជាដែលចាញ់រាល់ការប្រគួតមួយនេះ ឆ្ពោះទៅកាន់ក្តីសុបិនដ៏អស្ចារ្យមួយជាមួយពួកគេ។

លទ្ធភាពគឺគ្មានទីបញ្ចប់!

រំពឹងថានឹងមានអនាគតល្អជាច្រើនក្នុងអនាគតនៃកីឡាករកម្ពុជាវ័យក្មេង!

បើមានការហ្វឹកហាត់ដឹតដល់ អ្នកទាំងអស់គ្នានឹងអាចយកឈ្នះបានដោយស្នាមញញឹម!

 

អ្នកនិពន្ធ: Saki Ikuyama

កើតនៅឆ្នាំ 1992 ។ ដោយមានឥទ្ធិពលពីម្តាយ​ បានចាប់ផ្តើមហែលទឹកពីទារកភាព បន្តរហូតដល់បញ្ចប់ការសិក្សានៅមហាវិទ្យាល័យនៅអាយុ 22ឆ្នាំ។ នៅក្នុងក្លឹបហែលទឹកនៃសាកលវិទ្យាល័យ Tokai ជាប្រធានក្រុមនារី និងបានចូលនិវត្តបន្ទាប់ពីទទួលបានសិទ្ធកីឡាករនិស្សិតជប៉ុននៅខែកញ្ញាឆ្នាំ 2014។ បន្ទាប់ពីបានបញ្ចប់ការសិក្សាពីមហាវិទ្យាល័យសិក្សាអន្តរជាតិនៃសាកលវិទ្យាល័យ Tokai នៅខែមីនាឆ្នាំ 2015 បានមកប្រទេសកម្ពុជាក្នុងនាមជា អ្នកស្ម័គ្រចិត្តវិស័យហែលទឹកនៃអង្គការអ្នកស្ម័គ្រចិត្តកិច្ចសហប្រតិបត្តិការយុវជននៅក្រៅប្រទេសក្រុម ទី៣ នៅឆ្នាំ 2015 របស់អង្គការ JICA ហើយធ្វើសកម្មភាពជាគ្រូបង្វឹកកីឡាករក្រុមជម្រើសជាតិកម្ពុជានិងក្រុមយុវជនសម្រាប់រយៈពេល២ឆ្នាំ។ បន្ទាប់ពីចប់អាណត្តិ  បានត្រលប់មកប្រទេសកម្ពុជាវិញ ហើយបច្ចុប្បន្ន កំពុងបម្រើការជាគ្រូបង្វឹកបង្គោលនៃក្រុមជម្រើសជាតិកម្ពុជា។

※Translation :Nop Visal

 

 

<カンボジアの面白い情報をLINE@で配信中>
友だち追加

この記事が気に入ったら
いいね!しよう

最新情報をお届けします

関連記事
おすすめ記事