(ភាសាខ្មែរ) លំហាត់ប្រាណសាច់ដុំ 【life style】 - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) លំហាត់ប្រាណសាច់ដុំ 【life style】

TOP › 生活 › Life › Life Style › (ភាសាខ្មែរ) លំហាត់ប្រាណសាច់ដុំ 【life style】

2020.01.02

Life Style

មនុស្សយើងម្នាក់ៗតែងតែមានអាការៈនឿយហត់អស់កំលាំង ក្រោយពីបានបំពេញការងារពេញៗមួយថ្ងៃ មិនថាអ្នកធ្វើការនៅក្នុងការិយាល័យ ឬការដ្ឋានឡើយ។ សូមជួបជាមួយនឹងគ្រូបង្វឹកដ៏ជំនាញជនជាតិជប៉ុនណែនាំលំហាត់ប្រាណសាច់ដុំ ដើម្បីសំរួលដល់រាង្គកាយក្នុងការធ្វើឲ្យសុខភាពបានល្អប្រសើរឡើងតាមវិធីងាយៗដូចខាងក្រោម។

១. អង្គុយពន្លូតទំហំភ្លៅ

ប្រសិទ្ធិភាពៈ ធ្វើឲ្យភ្លៅមុខដែលធំបង្រួមទៅតូចស្រលូន និងលើកត្រគាកដែលធ្លាក់ឡើងវិញ។

របៀបធ្វើៈ បើកជើងទាំងសងខាងឲ្យប៉ុនស្មា ហើយទ្រេតឆ្អឹងត្រគាកមកមុខ បន្ទាប់មកម្រាមជើង និងជង្គង់ដាក់ឲ្យត្រង់ស្មើគ្នា ហើយភ្លៅក្រោយ គឺទំលាក់ឲ្យដល់ស្របគ្នានឹងកំរាលឥដ្ឋ។ ធ្វើ៣ដង ក្នុងម្តងៗធ្វើរយៈពេលពី១០ទៅ១៥វិនាទី ៥វិនាទីទំលាក់ ៥នាទីលើកឡើង។

២. អត្តពលកម្មដែលធ្វើឲ្យឆ្អឹងខ្នងកំរើកប្រសើរឡើង

ប្រសិទ្ធិភាពៈ សាច់ដុំឡើងនៅជុំវិញស្មាកាំបិត (មានភាពប្រសើរឡើងត្រង់ស្មា)។

របៀបធ្វើៈ ដាក់កែងដៃម្ចាងឲ្យប៉ះដៃម្ចាងទៀត ហើយលើកឡើងលើឲ្យត្រង់ដោយរក្សាលំនឹងនោះរយៈពេល៣វិនាទី ទើបទំលាក់មកក្រោមវិញ។ លើកឡើង ដាក់ចុះប្តូរគ្នាទៅវិញទៅមក។ ធ្វើចំនួន២ដង ក្នុងម្តងៗធ្វើទៅឆ្វេងស្តាំៗ១០ទៅ១៥ដង។

៣. ការលាតនៃសាច់ដុំទ្រូងធំ

ប្រសិទ្ធិភាពៈ បំបាត់ការឈឺចុករោយនៃស្មាក្រោយពីធ្វើការងារ។

របៀបធ្វើៈ លើកដៃម្ខាងឡើងលើ៖ ពន្លូតផ្នែកខាងក្រោមសាច់ដុំទ្រូងធំ ដាក់ដៃត្រឹមពាក់កណ្តាល៖ ពន្លូតផ្នែកសាច់ដុំទ្រូងធំ និងដាក់ដៃម្ខាងសំយ៉ុងចុះក្រោមបន្តិច៖ ពន្លូតផ្នែកខាងលើឆ្អឹងកាំបិតសាច់ដុំឡើងធំ។

៤. លាតសន្ធឹងមូលដ្ឋាននៃជើង

ប្រសិទ្ធិភាពៈ បំបាត់សាច់ដុំក្រលៀនដែលឡើងរឹងនៅពេលដែលយើងអង្គុយរយៈពេលយូ។

របៀបធ្វើៈ មុំនៃជង្គង់គឺត្រូវរក្សា៩០ដឺក្រេ ហើយដាក់ទំងន់ទៅជើងខាងមុខ។ ធ្វើចំនួន៣ដង ក្នុងម្តងៗធ្វើពី២០ទៅ៣០វិនាទី។

ប្រវត្តិរូបសង្ខេប

លោក NITTA Shogo

លោកជាជនជាតិជប៉ុន ជាគ្រូបង្វឹកផ្នែកលំហាត់ប្រាណនៃក្រុមហ៊ុន M-Fit នៅប្រទេសកម្ពុជា ដែលជាក្រុមហ៊ុនផ្តល់សេវាកម្មហ្វឹកហ្វាត់លំហាត់ប្រាណដោយគ្រូបង្វឹកផ្ទាល់ខ្លួន។ លោកមានបទពិសោធន៍ជោគជ័យទៅលើការធ្វើឲ្យមនុស្សជាច្រើនអាចតបអាហារដែលប៉ះពាល់ ហើយកែលំអឥរិយាបថ។

សម្រាប់ពត៌មានបន្ថែម ៖

この記事が気に入ったら
いいね！しよう

We will send you the latest information

Relate Article