នៅថ្ងៃពិសេស!!!

ជានំដែលគេប្រើដើម្បីទទួលភ្ញៀវ​​ នៅរដូវកាលនីមួយៗដែលមានដូចជា​ ការបន់ស្រន់នូវការធំធាត់របស់កុមារ និងគោរពវិញ្ញាណក្ខន្ធបុព្វបុរសជាដើម។ ខាងក្រោមនេះ ជាឧទាហរណ៍មួយ ដែលបង្ហាញពីការញុំានំនៅថ្ងៃពិសេសរបស់ជប៉ុន។

នំ​ស្រស់ជប៉ុន​ពិ​សេស​上生菓子 Jo-namagashi​

Jo-namagashiជានំដែលមានលក្ខណៈពិសេសជាងគេ ក្នុងចំណោមនំជប៉ុនដ៏ទៃទៀត។វាជានំដែលគេធ្វើសំរាប់ទទួលភ្ញៀវ នៅក្នុងពិធីញ៉ាំតែប្រពៃណីជប៉ុនតាំងពីបុរាណកាលមក។នំ Jo-namagashi នេះត្រូវបានគេធ្វើឡើងដើម្បីបង្ហាញពីអត្ថន័យចំណងជើងនៃចំរៀងរុក្ខជាតិ និងទេសភាពក្នុងរដូវទាំង៤នៃប្រទេសជប៉ុន។នៅពេលខ្លះ គេក៏មានធ្វើនំនេះតាមរយៈការកុម្មង់ពិសេសទៅតាមបំណងនិងដៃគូរនៃពិធីញ៉ាំតែណាមួយផងដែរ។គេអាចយកនំដែលធ្វើដោយស្នាដៃជនជាតិជប៉ុន ជាលក្ខណៈប្រពៃណីដោយការកែច្នៃពណ៌ រូបរាង និងរសជាតិនេះ សំរាប់ទទួលភ្ញៀវផងដែរ។ វាជាវប្បធម៌មួយរបស់ជប៉ុន ដែលមានទម្លាប់ទទួលទានអ្វីមួយ ដោយគិតពីរសជាតិនិងរូបរាងព្រមជាមួយគ្នា។

នំ Jo-namagashi ដែលជាសិល្បៈមួយនៃប្រទេសជប៉ុននេះ បច្ចុប្បន្នមិនត្រឹមតែនៅក្នុងពិធីញ៉ាំតែប៉ុណ្ណោះទេ តែវាជាវត្ថុអនុស្សាវរីយមួយដែលគេក៏និយមប្រើនៅពេលទៅលេងផ្ទះនរណាម្នាក់ និងជានំដ៏មានតម្លៃសំរាប់ញ៉ាំនៅផ្ទះជុំគ្នាក្នុងថ្ងៃពិសេសណាមួយផងដែរ។

នំ​គោមជប៉ុនស្នូលស​ណ្តែក​ក្រហមរុំស្លឹក​ Sakura 桜餅 Sakura-mochi

បើនិយាយពីនំដែលនាំឲ្យនឹកដល់រដូវផ្ការីកគឺនំ​ Sakura-mochi នេះ។វាជានំដែលធ្វើពីម្សៅដំណើបមានពណ៌ផ្កាឈូកស្នូលសណ្តែក ហើយរុំដោយស្លឹកសាគូរ៉ាដែលត្រាំទឹកអំបិល។ វាពិតជាបង្ហាញពីរូបភាពផ្កាសាគូរ៉ា ដែលជានិមិត្តរូបនៃរដូវផ្ការីកនៅប្រទេសជប៉ុន។ ជានំដែលសំខាន់ផងដែរ សំរាប់ការបួងសួងដល់ការធំលូតលាស់របស់ក្មេងស្រី ដែលគេហៅថា “Momo-no-sekku”។ នំនេះមានពីរប្រភេទគឺ ប្រភេទម្សៅដំណើបធ្វើពីអង្ករស្រូវសាលហៅថា “Choumeiji” និងប្រភេទម្សៅដំណើបធ្វើពីអង្ករដំណើបហៅថា “Domyoji”។

នំ​គោមជប៉ុនស្នូល​ផ្អែមស​ណ្តែក​ក្រហមរុំស្លឹក Kashiwa 柏餅  Kashiwa-mochi​

ជានំដែលធ្វើពីម្សៅអង្ករដំណើបលាយជាមួយសណ្តែកនិងស្ករ ហើយចំហុយដោយរំស្លឹកឈើម្យ៉ាងឈ្មោះថា Kashiwa។ គេមានទំលាប់ញ៉ាំនំនេះ នៅក្នុងថ្ងៃនៃពិធីបុណ្យកុមារនៅប្រទេសជប៉ុនដែលគេហៅថា Tango-no-sekku ( នៅថ្ងៃទី៥ ខែឧសភា )។ ពីព្រោះស្លឹកឈើ Kashiwa នេះត្រូវបានគេជឿថាជាតំណាងនៃ “ការរីកសាយនៃកូនចៅ”។

នំអង្ករដំណើបស្រោបម្សៅសណ្តែកក្រហម ぼたもち / おはぎ Botamochi / Ohagi

ជានំដែលចំហុយធ្វើពីម្សៅដំណើបមូលៗ។ នំនេះមានជាស្នូលសណ្តែកនិងជាលក្ខណៈម្សៅ Kinako។ គេមានទំលាប់ញ៉ាំនំនេះ នៅពេលមានពិធីដែលមានឈ្មោះថា “Ohigan”ដែលគេសែនព្រេនបុព្វការីជនឲ្យរួចផុតពីសេចក្តីស្លាប់ជារៀងរាល់២ដងក្នុងមួយឆ្នាំ គឺនៅរដូវផ្ការីកនិងរដូវស្លឹកឈើជ្រុះ។​ ពីដើមគេហៅនំនេះទៅតាមផ្កាដែលរីកនៃរដូវកាលនីមួយៗ ដោយនៅរដូវផ្ការីកថា “Botamochi” និងនៅរដូវស្លឹកឈើជ្រុះហៅថា “Ohagi”។

NyoNyum Khmer No.35

(ភាសាខ្មែរ) នំប្រពៃណីនិងរដូវទាំង ៤ របស់ប្រទេសជប៉ុន 【Special】

Read More

(ភាសាខ្មែរ) តូក្យូជាទីដែលយើងបានជួបគ្នា【Report From Japan】

Read More

(ភាសាខ្មែរ) 【Japan View】ពិធីបុណ្យដែលមានឥទ្ធិពលខ្លាំងក្លាស្នងពីសម័យកាលមួយទៅសម័យកាលមួយ

Read More

រីករាយជាមួយការចាប់ផ្តើមសិក្សាភាសាជប៉ុន និងសកម្មភាពផ្សេងៗក្នុងសាលា! OISCA High School ដែលពេញលេញ តាមស្តង់ដាអន្តរជាតិ

Read More

(日本語) 最新号は「日本のスイーツ」特集！NyoNyum Khmer35号を発行しました

Read More

ហាងម៉ារឹហ្កាមិអ៊ុដុងTTP

Read More