អំណោយផលពីបឹងទន្លេសាប - NyoNyum - Comprehensive information site of Cambodia travel, sightseeing, souvenirs etc.

អំណោយផលពីបឹងទន្លេសាប

TOP › Column › NyoNyum Khmer Special Topics › អំណោយផលពីបឹងទន្លេសាប

2022.01.26

NyoNyum Khmer Special Topics

បើនិយាយពីត្រីវិញ នៅប្រទេសជប៉ុនគេស្រមៃថាមានសម្បូរនៅសមុទ្រ ក៏ប៉ុន្តែបើនៅប្រទេសកម្ពុជាវិញគឺ “ត្រីទឹកសាប”។ ត្រីដែលរកបានពីបឹង និងស្ទឹងទាំងនេះត្រូវបានបរិភោគជាម្ហូបប្រចាំថ្ងៃ។ បើពិនិត្យមើលទៅលើរូបចម្លាក់នៅលើជញ្ជាំងប្រាសាទបាយ័ននៅក្នុងទីក្រុងអង្គរធំក៏មានឆ្លាក់រៀបរាប់អំពីទិដ្ឋភាពនេសាទតាមការបង់សំណាញ់ជាដើម និងមានរូបភាពត្រីធំៗជាច្រើនផងដែរ។ នេះបញ្ជាក់ឱ្យឃើញថាកានេសាទត្រីមានការរីកចម្រើនជាខ្លាំងនាសម័យកាលនោះ ហើយបន្តរហូតមកដល់បច្ចុប្បន្ន។

ទិដ្ឋភាពការនេសាទពីអតីតកាល និងបច្ចុប្បន្នគឺមិនមានផ្លាស់ប្តូរប៉ុន្មានទេ។

ទន្លេសាបជាទន្លេដ៏ធំជាងគេនៅអាស៊ីអាគ្នេយ៍ ហើយមានការប្រែប្រួលមាឌឡើងចុះ។ នៅរដូវប្រាំងទឹកតូច តែបើប្រៀបនឹងទន្លេប៊ីវ៉ានៅជប៉ុន គឺមានទំហំធំជាងដល់ទៅ៤ដង ពេលវារីកធំបំផុតនៅរដូវវស្សាគឺមានទំហំលើសនោះដល់ទៅ ៤ ទៅ ៥ដង ថែមទៀត។ នេះគឺដោយសារនៅរដូវវស្សាកម្រិតទឹកទន្លេមេគង្គឡើងខ្ពស់ ហើយហូរទៅប្រសព្វនៅទន្លេចតុមុខនៅភ្នំពេញ បន្ទាប់មកហូរតាមដៃទន្លេសាប ហើយហូរចាក់ចូលទៅក្នុងបឹងទន្លេសាបតែម្តង។ បឹងនេះជាជង្រុកត្រីពង និងរីកធំធាត់ផងដែរ ព្រោះថានៅពេលបឹងរីកធំនៅរដូវវស្សា ព្រៃលិចទឹកទាំងនោះបានក្លាយជាជង្រុក និងជាចំណីរបស់ត្រីទាំងនោះ។ ប្រទេសកម្ពុជាបានជាប់ចំណាត់ថ្នាក់ថាជាប្រទេសដែលនេសាទបានចំនួនត្រី និងមានប្រភេទត្រីច្រើនលើពិភពលោកផងដែរ។ ក្នុងចំណោមប្រភេទត្រីពី ២០០ ទៅ ៣០០ប្រភេទ មានត្រីខ្លះមានប្រវែងដល់ ២ ទៅ ៣ម៉ែត្រ និងមានទម្ងន់ដល់ទៅ ៣០០គីឡូក្រាមក៏មាន។

សំណាញ់ខ្នាតធំដាក់មានពេលកំណត់ដើម្បីចាប់ត្រី។ នេះគឺជាវិធីចាប់ត្រីតាំងពីបុរាណមួយរបស់ខ្មែរ។

អំណោយផលពីបឹងទន្លេសាបនេះ ទ្រទ្រង់ជីវភាព និងបានផ្តល់ជីវៈជាតិដ៏សំខាន់សម្រាប់ទ្រទ្រង់សុខុមាលភាពប្រជាជានខ្មែរ តាំងពីអតីតរហូតដល់បច្ចុប្បន្ន៕
សម្រាប់ព័ត៌មានបន្ថែម

【NyoNyum Khmer No. 20】