(ភាសាខ្មែរ) ម៉ោងញ៉ាំអាហារសម្រន់នៅហាងកាហ្វេបែបជប៉ុន 【Special】 - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) ម៉ោងញ៉ាំអាហារសម្រន់នៅហាងកាហ្វេបែបជប៉ុន 【Special】

TOP › Column › NyoNyum Khmer › (ភាសាខ្មែរ) ម៉ោងញ៉ាំអាហារសម្រន់នៅហាងកាហ្វេបែបជប៉ុន 【Special】

2019.09.23

NyoNyum Khmer

ហាងកាហ្វេបុរាណបែបជប៉ុន 甘味処 Amami-dokoro (Kanmi-dokoro)

នៅប្រទេសជប៉ុនមានហាងដែលគេហៅថា “Amami-dokoro / Kanmi-dokoro”។ វាដូចជាហាងកាហ្វេដែលអាចទទួលទានបង្អែម និងតែជប៉ុន។ នៅហាងនេះ គេអាចញ៉ាំនូវបង្អែមមួយចំនួនដូចតទៅនេះបាន។

ស៊ុបផ្អែមសណ្តែកក្រហម おしるこ Oshiruko

ជាអាហារសម្រន់មានលក្ខណៈជាស៊ុបផ្អែមនិងក្តៅអ៊ុនៗ ធ្វើដោយការលាយគ្រាប់សណ្តែក និងស្ករហើយចម្អិនដោយភ្លើង ដែលត្រូវនឹងរដូវត្រជាក់ជាពិសេស។ គេញ៉ាំបែបជាស៊ុបផ្អែម ឬញ៉ាំជាមួយនំម្សៅអាំង និងជាមួយនំផ្សេងៗទៀតជាដើម។ មានតំបន់មួយចំនួនហៅបង្អែមដែលមានគ្រាប់សណ្តែកប្រភេទនេះថា “Zenzai” ផងដែរ។

បង្អែមផ្លែឈើជប៉ុន あんみつ Anmitsu

ជាបង្អែមដ៏ប្រណីតមួយដែលផ្សំឡើងដោយ នំម្សៅមូលៗ សណ្តែកផ្អែម សារាយថ្លាៗ ធ្វើពីសារាយសមុទ្រ និងផ្លែឈើជាដើម មានចាក់ទឹកស្ករពីលើ។ វាដូចជានំ Parfait បែបជប៉ុនអិញ្ចឹង?

ពីសារាយសមុទ្រところてん Tokoroten

មានលក្ខណៈជាសារាយសរសៃៗដែលធ្វើពីសារាយសមុទ្រ។ គេនិយមញ៉ាំបង្អែមនេះនៅរដូវក្តៅ ដោយក្លាសេឲ្យត្រជាក់ ធ្វើឲ្យពេលញ៉ាំទៅមានសភាពរលោងៗ។យើងអាចញ៉ាំវាជាមួយទឹកស្ករខ្មៅ បែបជប៉ុន ឬញ៉ាំជូរបន្តិចដោយដាក់ទឹកខ្មេះស៊ីអ៊ីវបែបជប៉ុន។

ទឹកកកឈូស かき氷 Kakigori

បើនិយាយពីរដូវក្តៅគឺទឹកកកឈូស ញ៉ាំដោយឈូសទឹកកកធំៗលាយនឹងទឹកស្ករ។ ទឹកស្ករមានរសជាតិផ្សេងៗដូចជា តែបៃតង និងទឹកដោះគោជាដើម។ ក៏មានទឹកកកឈូសដ៏ឆើតឆាយដាក់នំម្សៅមូលៗនិងផ្លែឈើជាដើមផងដែរ។ ទឹកកកឈូសមានពិសេសនៅក្នុងបញ្ជីម្ហូបក្នុងហាងអាហារនៅរដូវក្តៅ ក៏ដូចជាមានជាពិសេសនៅតាមតូបលក់ម្ហូបអាហារក្នុងពិធីបុណ្យរដូវក្តៅផងដែរ។