ក្នុងបទចំរៀងប្រពៃណីជប៉ុនមានបទចំរៀងមួយដែលចាប់ផ្តើមពីពាក្យថា ”រាត្រីទី៨៨ វេលាជិតដល់រដូវក្តៅ ធម្មជាតិព្រៃព្រឹក្សាពោរពេញទៅដោយពន្លកខ្ចី～♪” នេះជាបទច្រៀងសំរាប់ការបេះស្លឹកតែ។ រាប់ពីថ្ងៃចូលរដូវផ្ការីករហូតដល់ថ្ងៃទី៨៨ គេហៅថារាត្រីទី៨៨ ដែលឆ្នាំនេះគឺចំថ្ងៃទី២២ ខែឧសភា។ តាំងពីបូរាណមកគេបាននិយាយថាប្រសិនបើទទួលទានតែថ្មីស្រស់ដែលទើបបេះនៅថ្ងៃនោះ គេអាចរស់នៅដោយគ្មានជំងឺ រឺជួបប្រទះឧបទ្ទវហេតុមិនល្អណាមួយឡើយ។ ដូច្នេះ តែថ្មីនេះត្រូវគេចាត់ទុកថាជាផលិតផលដ៏ប្រណិត។

ក្នុងជីវភាពនាពេលប្បច្ចុបន្ន មានឧិកាសតិចតូចណាស់ដែលទទួលទានតែជប៉ុន ដោយសារការនិយមចូលចិត្តលើកាហ្វេ ឬទឹកក្រូចកាន់តែខ្លាំង។ ប៉ុន្តែក្នុងរដូវតែថ្មី យើងនៅតែឃើញស្លាក ”តែថ្មីមកដល់ហើយ!” នៅមុខហាងលក់ទំនិញ ឬមានគេជូនតែថ្មីជាកាដូជាដើម។ រសជាតិតែថ្មី ប្រែប្រួលទៅតាមអាកាសធាតុ ឬការដាំដុះ។ គេចូលចិត្តទទួលទានតែជាមួយនំ ដោយចំណាយពេលនិយាយគ្នាពីរសជាតិរបស់តែថ្មីក្នុងឆ្នាំនោះ។ តែថ្មីមានខ្លិនក្រអូប។ គេមានវិធីធ្វើវាឲ្យទៅជាម្ស៉ៅ ហើយធ្វើជានំ ឬលាយជាមួយបាយជាដើម ពោលគឺគេមិនយកវាមកឆុងពិសារជាភេសជ្ជះទេ ម្យ៉ាងទៀតគេអាចយកស្លឹកតែថ្មីដែលឆុងរួចហើយនោះ មកស្ងោរជាមួយគ្រឿងប្រៃ ដើម្បីទទួលទានជាមួយបាយស នេះក៏ជាវិធីទទួលទានតែថ្មីដ៏ឆ្ងាញ់ផងដែរ។

តែថ្មី និងនំ

ក្នុងការធ្វើនំជប៉ុន គេយកចិត្តទុកដាក់ពីរដូវកាល។ នំនៅក្នុងរូបថតនេះ គេហៅថា នំ Yokan មានរូបរាងដំបូងធ្វើពីសណ្តែកសៀង និងស្ករ។ គេកាត់តូចៗ ដើម្បីទទួលទាន។ នេះគឺជានំ Yokan ដែលមានឈ្មោះថា “Shobu-Awase” (Shobu គឺជាប្រភេទស្លឹកឈើដែលរីកនៅរដូវខែ៥នេះ)។ នំនេះជារបស់នំបុរាណ TORAYA ដែលបើកអាជីវកម្មតាំងពីឆ្នាំ ១៥០១។

បំពងស្លឹកតែ

ដាក់ស្លឹកតែល្អិតៗនៅក្នុងម្ស៉ៅបំពង ហើយរោយនៅលើបង្គារតូចៗ ឬខ្ទឹមបារាំងជាដើមដែលមានរសជាតិផ្អែម ដើម្បីឲ្យមានខ្លិនក្រអូបប្រហើរ។ ដាក់ទឹកក្រួចឆ្មា អំបិល និងម្ស៉ៅតែលាយចូលគ្នា ហើយទទួលទាន។

ស្ងោរស្លឹកតែប្រៃ

ប្រើស្លឹកតែដែលឆុងរួចហើយ មកស្ងោរជាមួយគ្រឿងប្រៃ និងផ្អែមបន្តិច។ ទទួលទានជាមួយបាយស។

ប្រវត្តិរូប

អ្នកស្រី Tomonari Fumi

ទន្ទឹមនឹងធ្វើការជាអ្នកគ្រប់គ្រងរោងចក្រកែច្នៃសារធាតុ acrulic នៅក្រុងតូក្យូអ្នកស្រីធ្លាប់ ចូលរួមក្នុងការងារធ្វើម្ហូបអស់រយៈពេល ២៥ឆ្នាំ ក្នុងនាមជាអ្នកជំនួយការរបស់អ្នកស្រាវជ្រាវម្ហូប។ តាំងពីកុមារភាពមក អ្នកស្រីរស់នៅក្នុងបរិស្ថានមួយដែលនៅជិតស្និតនឹងវប្បធម៌ជប៉ុន ដូចជាពិធីលាងតែ សិល្បៈល្ខោន Noh សិល្បៈល្ខោន Kabuki ជាដើម។ ទើបសព្វថ្ងៃនេះអ្នកស្រីធ្វើការដឹកនាំច្នៃប្រឌិតវប្បធម៌ជប៉ុនទៅជាលក្ខណៈទំនើបមានដូចជាប្រអប់ដាក់ម្ហូបចូលឆ្នាំថ្មី និងកែវស្រាធ្វើពីសារធាតុ acrylic ជាដើម។
សម្រាប់ពត៌មានបន្ថែម ៖