ចំនួនភ្ញៀវទេសចរបរទេសមកទស្សនាកម្ពុជាមុននិងក្រោយវិបត្តិជំងឺកូវីដ១៩កើតឡើង!

TOP › Column › NyoNyum Khmer Special Topics › ចំនួនភ្ញៀវទេសចរបរទេសមកទស្សនាកម្ពុជាមុននិងក្រោយវិបត្តិជំងឺកូវីដ១៩កើតឡើង!

2023.03.20

NyoNyum Khmer Special Topics

យោងតាមស្ថិតិរបស់ក្រសួងទេសចរនៃព្រះរាជាណាចក្រកម្ពុជាចុះផ្សាយជារៀងរាល់ឆ្នាំ យើងអាចធ្វើការប្រៀបធៀប និងស្វែងយល់ពីផលប៉ះពាល់លើវិស័យទេសចរណ៍នៅខេត្តសៀមរាប និងទូទាំងប្រទេសកម្ពុជាទាំងស្រុងបាន។ ចំនួនភ្ញៀវទេសចរជនជាតិជប៉ុន និងជនបរទេសដទៃមានចំនួនធ្លាក់ចុះខ្លាំង។ តើវាបានប៉ះពាល់ដល់អាជីពរបស់មគ្គុទេសកក៍និយាយភាសាជប៉ុនកម្រិតណា?

យោងតាមស្ថិតិដែលបង្ហាញខាងលើឃើញថាចំនួនភ្ញៀវទេសចរធ្វើដំណើរមកទស្សនាកម្ពុជាមានចំនួនកើនឡើងជាលំដាប់ពីមួយឆ្នាំទៅមួយឆ្នាំ មុនមានវិបត្តិជំងឺកូវីដ១៩ផ្ទុះឡើង។ ក្នុងនោះនៅឆ្នាំ២០១៩ ជាឆ្នាំមានចំនួនភ្ញៀវទេសចរច្រើនបំផុតរហូតដល់ ៦លាន៦សែន១ម៉ឺននាក់។ ក៏ប៉ុន្តែ នៅឆ្នាំបន្តបន្ទាប់ គឺឆ្នាំ២០២០ ក្រោយមានជំងឺកូវីដ១៩កើតឡើង ធ្វើឱ្យចំនួនភ្ញៀវទេសចរបរទេសថយចុះយ៉ាងគំហុក មកត្រឹម១ភាគ៥ គឺមានចំនួនប្រមាណ ១លាន ៣សែននាក់ និងឆ្នាំ២០២១ មានប្រមាណតែ ១៩ម៉ឺន៦ពាន់នាក់ប៉ុណ្ណោះ។ យ៉ាងណាមិញ បើយើងក្រឡេកមើលស្ថិតិគិតត្រឹមខែវិច្ឆិកា ឆ្នាំ២០២២ វិញឃើញថា ចំនួនភ្ញៀវទេសចរបរទេសមកទស្សនាកម្ពុជាបានកើនឡើងបន្តិចវិញ គឺមានចំនួនប្រមាណ ១លាន៩សែន១ម៉ឺន៤ពាន់នាក់។

បើនិយាយពីទំហំចំណូលពីវិស័យទេសចរក៏មានការថយចុះខ្លាំងដែរ។ ពោលគឺ នៅឆ្នាំ២០១៩ ដែលមានចំណូលខ្ពស់បំផុតរហូតដល់ប្រមាណ៤៩២០លានដុល្លារ បានថយចុះមកត្រឹម ១០២៣លានដុល្លារ ខណៈឆ្នាំ២០២១ បន្តធ្លាក់ចុះរហូតដល់ត្រឹមតែប្រមាណ ១៨៤លានដុល្លាប៉ុណ្ណោះ។

ក្រាហ្វខាងលើនេះបង្ហាញពីចំនួនភ្ញៀវទេសចរបរទេសបានមកទស្សនាកម្ពុជាចន្លោះពីឆ្នាំ២០២០ និងឆ្នាំ២០២២។ នាខែមេសា ឆ្នាំ២០២០ ក្រោយមានជំងឺកូវីដ១៩ផ្ទុះក្នុងសហគមន៍ភ្លាម ចំនួនភ្ញៀវទេសចរបរទេសបានធ្លាក់ចុះគំហុកស្ទើរស្មើសូន្យ។ ស្ថានភាពធ្លាក់ចុះបែបនេះក៏បានបន្តរហូតដល់ពេញមួយឆ្នាំ២០២១ផងដែរ។ យ៉ាងណាមិញ នៅដើមឆ្នាំ២០២២ យើងឃើញថាចំនួនភ្ញៀវទេសចរបរទេសកើនឡើងបន្តិចម្តងៗជាបន្តបន្ទាប់ឡើងវិញ។

បើនិយាយពីចំនួនភ្ញៀវទេសចរជប៉ុនមកទស្សនាកម្ពុជាវិញឃើញថា នៅឆ្នាំ២០១៨ មានចំនួនច្រើនជាងគេបំផុតប្រមាណ ២១ម៉ឺននាក់ និងឆ្នាំ២០១៩ មាន២០ម៉ឺន៧ពាន់៦រយនាក់ បានធ្លាក់ចុះមកត្រឹម ៤ម៉ឺន១២៥៧នាក់ នៅឆ្នាំ២០២០ ខណៈឆ្នាំ២០២១ បន្តធ្លាក់ចុះមកត្រឹមតែ២ពាន់នាក់។ យោងតាមរបាយការណ៍ស្ថិតិរបស់ក្រសួងទេសចរដដែលក៏បានបង្ហាញថា មុនមានវិបត្តិជំងឺកូវីដ១៩ ភ្ញៀវទេសចរជប៉ុនមានចំនួនច្រើនជាងគេមួយ ក្នុងចំណោមចំណាតថ្នាក់ទាំង១០ខ្ពស់បំផុត។ ក៏ប៉ុន្តែ នៅឆ្នាំ២០២១ ភ្ញៀវទេសចរជប៉ុនមកទស្សនាកម្ពុជា លែងមានវត្តមានក្នុងចំណោមភ្ញៀវទេសចរបរទេសមកទស្សនាកម្ពុជាដែលមានចំនួនច្រើនជាងគេទាំង១០ ហើយ។

*ស្ថិតិខាងលើយោងពីរបាយការណ៍ស្ថិតិប្រចាំឆ្នាំចេញផ្សាយដោយក្រសួងទេសចរណ៍នៃព្រះរាជាណាចក្រកម្ពុជា

この記事が気に入ったら
いいね！しよう

We will send you the latest information

Relate Article