(ភាសាខ្មែរ) ម្ហូបពិសេសសម្រាប់ដើមរដូវផ្ការីក 【ម្ហូបជប៉ុន】 - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) ម្ហូបពិសេសសម្រាប់ដើមរដូវផ្ការីក 【ម្ហូបជប៉ុន】

TOP › gourmet › Japan Food Recipe › (ភាសាខ្មែរ) ម្ហូបពិសេសសម្រាប់ដើមរដូវផ្ការីក 【ម្ហូបជប៉ុន】

2019.12.14

Japan Food Recipe

ក្នុងរដូវផ្ការីកមានអំណោយផលពីធម្មជាតិជាច្រើនដូចជាត្រពាំង និងរុក្ខជាតិផ្សេងៗទៀត។ នៅប្រទេសជប៉ុនខែឧសភាគឺជារដូវកាលត្រីមួយប្រភេទហៅថា “HatsuGatsuo” ។ គេបរិភោគត្រី Katsuo នេះឆៅ ធ្វើជាម្ហូបម៉្យាងហៅថា “SashimI” ឬដុតវា គេហៅថា “Katsuo no Tataki” ។

នៅប្រទេសជប៉ុនមានរដូវកាល ៤ ហើយកាលពីដើម គេយកចិត្តទុកដាក់ពីការទទួលទានអាហារទៅតាមរដូវកាលទាំង៤នោះ។ ជាពិសេសអាហារសម្រាប់បរិភោគនៅដើមរដូវកាល គេហៅថា “Hatsu Mono” ។ នៅសម័យកាល EDO គេនិយមបរិភោគ “Hatsu Gatsuo” ដែលសម័យកាលនោះវប្បធម៌ម្ហូបអាហារមានការរីកចម្រើនខ្លាំង។

គេនិយាយតៗគ្នាថាបើសិនជាយើងបានបរិភោគអាហារនៅដើមរដូវ យើងនឹងអាចពន្យាអាយុបាន៧៥ថ្ងៃទៀត តែសម្រាប់អាហារ “Hatsu Gatsuo” វិញ អាចពន្យាបានរហូតដល់៧៥០ថ្ងៃឯណោះ។ ចំណែកឯនៅក្នុងល្ខោន Kabuki ក៏មានឈុតតួអង្គបរិភោគ ”Hatsu Gatsuo” ដែរ។ នេះបញ្ជាក់ថាប្រជាជននិយមចូលចិត្តម្ហូប ”Hatsu Gatsuo” ខ្លាំងណាស់។

Katsuo no Tataki

ពន្លះត្រី Katsuo (ត្រីសាច់ក្រហម) ដោយទុកស្បែកពាក់កណ្តាល។ យកវាទៅដុតឲក្រៀមជុំវិញ។ បន្ទាប់មកយកវាទៅត្រាំទឹកដែលដាក់ទឹកកក ដើម្បីកុំឲកំដៅដែលដុតនោះងំនៅក្នុងសាច់ត្រីយូរ។ ហាន់សាច់ត្រីនោះជាបន្ទះដូច Sashimi ហើយដាក់គ្រឿង ទេសរុក្ខជាតិ។ ញ៉ាំជាមួយទឹកជ្រលក់ដែលមានទឹកស៊ីអ៊ីវលាយជាមួយក្រូចឆ្មារ។

Oinari San

Oinari San គឺជាប្រភេទ Sushi មួយ។ គេយកបាយលាយទឹកខ្មេះញាត់ចូលតៅហ៊ូ ចៀន ដែលរសជាតិផ្អែម។

ប្រវត្តិរូប

អ្នកស្រី Tomonari Fumi

ទន្ទឹមនឹងធ្វើការជាអ្នកគ្រប់គ្រងរោងចក្រកែច្នៃសារធាតុ acrulic នៅក្រុងតូក្យូអ្នកស្រីធ្លាប់ ចូលរួមក្នុងការងារធ្វើម្ហូបអស់រយៈពេល ២៥ឆ្នាំ ក្នុងនាមជាអ្នកជំនួយការរបស់អ្នកស្រាវជ្រាវម្ហូប។ តាំងពីកុមារភាពមក អ្នកស្រីរស់នៅក្នុងបរិស្ថានមួយដែលនៅជិតស្និតនឹងវប្បធម៌ជប៉ុន ដូចជាពិធីលាងតែ សិល្បៈល្ខោន Noh សិល្បៈល្ខោន Kabuki ជាដើម។ ទើបសព្វថ្ងៃនេះអ្នកស្រីធ្វើការដឹកនាំច្នៃប្រឌិតវប្បធម៌ជប៉ុនទៅជាលក្ខណៈទំនើបមានដូចជាប្រអប់ដាក់ម្ហូបចូលឆ្នាំថ្មី និងកែវស្រាធ្វើពីសារធាតុ acrylic ជាដើម។
សម្រាប់ពត៌មានបន្ថែម ៖

この記事が気に入ったら
いいね！しよう

We will send you the latest information

Relate Article