(ភាសាខ្មែរ) TOJI 【ម្ហូបជប៉ុន】 - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) TOJI 【ម្ហូបជប៉ុន】

TOP › gourmet › Japan Food Recipe › (ភាសាខ្មែរ) TOJI 【ម្ហូបជប៉ុន】

2020.01.07

Japan Food Recipe

ថ្ងៃដែលមានរយៈពេល (ចាប់ពីម៉ោងថ្ងៃរះដល់ម៉ោងថ្ងៃលិច) នៃពេលថ្ងៃខ្លីបំផុត និងពេលយប់វែងបំផុតគេហៅថា TOJI។ កំណត់ថ្ងៃ TOJI នេះប្រែប្រួល ទៅតាមដំណើរចរណ៍ព្រះអាទិត្យ ហើយឆ្នាំនេះត្រូវកំណត់ថាថ្ងៃទី២២ ខែ១២។ តាំងពីសម័យកាល Edo ប្រជាជនជប៉ុនមានទំលាប់ហូបផ្លែល្ពៅហើយត្រាំខ្លួនក្នុងអាងទឹកក្តៅលាយផ្លែក្រូចYuzu។ វាមានអត្ថន័យដែលថាការហូបផ្លែល្ពៅដែលមានពណ៌ស្រដៀងនឹងព្រះអាទិត្យនៅចំថ្ងៃដែលកំលាំងព្រះអាទិត្យខ្សោយជាងគេដើម្បីអោយមានកំលាំងក្នុងខ្លួន។ម្យ៉ាងទៀតមានសម័យកាលខ្លះដែលកំណត់ថាថ្ងៃTOJIជាថ្ងៃចុងក្រោយនៃមួយឆ្នាំទើបនាំគ្នាត្រាំខ្លួនអាងទឹកក្តៅលាយផ្លែក្រូចYuzuដែលមានក្លិនក្រអូបខ្លាំង ដើម្បីបំបាត់ភាពអាក្រក់មុននឹងទទួលថ្ងៃចូលឆ្នាំថ្មីផងដែរ។ចាប់ពីថ្ងៃនោះមកនៅប្រទេសជប៉ុនអាកាសធាតុកាន់តែរងារដែលជាការចាប់ផ្តើមរដូវរងារពិតប្រាកដ។

ស្ងោរផ្លែល្ពៅ

គេយកផ្លែល្ពៅមកស្ងោរនៅក្នុងទឹកស៊ីអ៊ីវនិងស៊ុបសារ៉ាយ Konbu និងស្រាផ្អែម Mirin។ អាស្រ័យលើប្រភេទនៃផ្លែល្ពៅ មានម្ហូបខ្លះខាំទៅផុយៗ ម្ហូបខ្លះខាំទៅស្អិតៗ។

ផ្លែល្ពៅ និងផ្លែក្រូចYuzu

ផ្លែក្រូច Yuzu គឺជាប្រភេទក្រូចមួយដែលមានរសជាតិជូរខ្លាំងទើបគេមិនសូវនិយមហូបផ្ទាល់ទេគឺគេប្រើប្រាស់ក្នុងនាមជាគ្រឿងទេស។ជាពិសេសគេបកសំបកហើយដាក់នៅក្បែរម្ហូបនានា។ ក្រូចYuzuនេះមានពណ៌ខៀវនៅរដូវក្តៅ ហើយនៅរដូវរងារប្រែទៅជាពណ៌លឿង។

អាងទឹកក្តៅ

យកផ្លែក្រូច Yuzu ជាគ្រាប់ ហើយអោយមានស្នាមដោយកាំបិទនៅលើសំបកបន្តិចបន្តូច រឺមួយក៏ប្រសិនបើចង់បានក្លិនក្រអូបកាន់តែខ្លាំងត្រូវកាត់ផ្លែហាន់បន្ទះរាងមូលខ្ចប់ ទើបដាក់ក្នុងអាងទឹក។ធ្វើដូច្នោះទៅក្លិនក្រអូបដ៏ល្អៗនោះពាសពេញនៅបន្ទប់ទឹក។
ប្រវត្តិរូប

អ្នកស្រី Tomonari Fumi

ទន្ទឹមនឹងធ្វើការជាអ្នកគ្រប់គ្រងរោងចក្រកែច្នៃសារធាតុ acrulic នៅក្រុងតូក្យូអ្នកស្រីធ្លាប់ ចូលរួមក្នុងការងារធ្វើម្ហូបអស់រយៈពេល ២៥ឆ្នាំ ក្នុងនាមជាអ្នកជំនួយការរបស់អ្នកស្រាវជ្រាវម្ហូប។ តាំងពីកុមារភាពមក អ្នកស្រីរស់នៅក្នុងបរិស្ថានមួយដែលនៅជិតស្និតនឹងវប្បធម៌ជប៉ុន ដូចជាពិធីលាងតែ សិល្បៈល្ខោន Noh សិល្បៈល្ខោន Kabuki ជាដើម។ ទើបសព្វថ្ងៃនេះអ្នកស្រីធ្វើការដឹកនាំច្នៃប្រឌិតវប្បធម៌ជប៉ុនទៅជាលក្ខណៈទំនើបមានដូចជាប្រអប់ដាក់ម្ហូបចូលឆ្នាំថ្មី និងកែវស្រាធ្វើពីសារធាតុ acrylic ជាដើម។
សម្រាប់ពត៌មានបន្ថែម ៖

この記事が気に入ったら
いいね！しよう

We will send you the latest information

Relate Article