(ភាសាខ្មែរ) ជិះទោងកម្សាន្ត និងមើលសិល្បៈសម្តែងសៀក - NyoNyum - Comprehensive information site of Cambodia travel, sightseeing, souvenirs etc.

(ភាសាខ្មែរ) ជិះទោងកម្សាន្ត និងមើលសិល្បៈសម្តែងសៀក

TOP › Column › NyoNyum Khmer › (ភាសាខ្មែរ) ជិះទោងកម្សាន្ត និងមើលសិល្បៈសម្តែងសៀក

2021.01.22

NyoNyum Khmer

ទោងកម្សាន្ត Angkor Eye ជាកន្លែងកម្សាន្តថ្មីប្រចាំខេត្តសៀមរាប បានបើកដំណើរការនាខែមីនា ឆ្នាំ២០២០នេះ។ បើអ្នកធ្វើដំណើរពីអាកាសយានដ្ឋានអន្តរជាតិសៀមរាប ឆ្ពោះទៅទីក្រុង នៅតាមផ្លូវជាតិលេខ ៦ នៅខាងស្តាំដៃ អ្នកនឹងឃើញកង់ទោងដែលមានកម្ពស់ប្រវែង ៨៥ ម៉ែត្រ។ ទោងកម្សាន្តនេះ ប្រតិបត្តិការដោយក្រុមហ៊ុនជប៉ុនពីខេត្ត Kitakyushu។ លោក Miyazaki Hitoshi ប្រតិបត្តិករនៃក្រុមហ៊ុនមួយនេះ បានមានប្រសាសន៍ថា៖ “សម្រាប់ជនជាតិជប៉ុន នៅពេលគេនិយាយអំពីទោងជិះកម្សាន្ត គេតែងតែនឹងឃើញពីកន្លែង ពេលវេលា និងអ្នកដែលគេបានជិះជាមួយជានិច្ច។ យើងសង្ឃឹមថាវាទោងជិះកម្សាន្តនេះ នឹងក្លាយជាកន្លែងផ្តល់អនុស្សាវរីយ៍សម្រាប់ប្រជាជនខ្មែរនៅទូទាំងខេត្តសៀមរាប និងក្នុងប្រទេសកម្ពុជា។

1: កម្ពស់ 85 ម៉ែត្រ មាន 48 ទោង ក្នុង 1 ទោងជិះបាន 4 នាក់

2: ទ្រង់ទ្រាយទោងអាចមើលឃើញ 360 ដឺក្រេពីគ្រប់ជ្រុង

3: កន្លែងលក់សំបុត្រ

4: ក្នុងទោងនីមួយៗមានម៉ាស៊ីនត្រជាក់

5: ពេលវេលាល្អបំផុតគឺពេលល្ងាចម៉ោងថ្ងៃរាបលិច

6: អាចមើលឃើញភ្នំបាខែង

7: ព្រលានយន្តហោះសៀមរាប

អាស័យដ្ឋានៈផ្លូវជាតិលេខ ៦

ម៉ោងបើក：14:00-21:00 （គ្នានថ្ងៃឈប់សម្រាក）※ អាចផ្លាស់ប្តូរអាស្រ័យលើស្ថានភាព

តម្លៃ：ខ្មែរ：មនុស្សពេញវ័យ 5 ដុល្លា កុមារ 2.5 ដុល្លា ក្មេងក្រោម 3ឆ្នាំ ពុំគិតប្រាក់

ជនបរទេស：មនុស្សពេញវ័យ 12 ដុល្លា កុមារ 6 ដុល្លា ក្មេងក្រោម 3ឆ្នាំ ពុំគិតប្រាក់

ទូរស័ព្ទទាក់ទង： 098-264-888

ហ្វេសប៊ុក： Angkor Eye

ក្រុមសិល្បៈសម្តែងសៀក ហ្វា

ការសម្តែងកាយសម្ព័ន្ធរួមជាមួយតន្ត្រី នាពេលរាត្រី គឺមានប្រជាប្រិយភាពខ្លាំងសម្រាប់ភ្ញៀវទេសចរជាជនបរទេសមកទស្សនាខេត្តសៀមរាប។ ដោយសារឥទ្ធិពលនៃជម្ងឺកូវីដ១៩ រោងមហោស្រពសៀកហ្វា ត្រូវបានបិទដំណើរការអស់មួយរយៈ ប៉ុន្តែពួកគេបានចាប់ផ្តើមការសម្តែងរបស់ខ្លួនសារឡើងវិញ នៅចុងខែកក្កដាឆ្នាំនេះជាមួយនឹងកម្មវិធីថ្មីឈ្មោះថា 「Phare Circus Rising」 ។

ចំនុចចាប់អារម្មណ៍ពិសេសរបស់ក្រុមសៀកនេះ គឺការសម្តែងដែលបង្កប់នូវរឿងរ៉ាវនៃការលាយបញ្ចូលគ្នានៃរឿងរ៉ាវពីសម័យបុរាណ និងនៅក្នុងសង្គមសម័យទំនើបរបស់ខ្មែរ។ នៅក្នុងស្ថានភាពដែលពិភពលោកកំពុងជួបប្រទេះនឹងវិបត្តិនៃជម្ងឺកូវីដ១៩នេះ ក្រុមសម្តែងសៀកហ្វានៅតែបន្តដំណើរបេសកកម្មរបស់ខ្លួនដើម្បីបង្ករនូវភាពរស់រវើក និងបង្ហាញនូវភាពទាក់ទាញនៃក្រុងទេសចរសៀមរាបមួយនេះ ក៏ដូចជាចែករំលែកនូវភាពអស្ចារ្យ និងភាពរំភើបជូនដល់ទស្សនិកជនក្នុងនិងក្រៅប្រទេស បានទស្សនាកម្សាន្ត។ សូមកុំភ្លេចចូលទស្សនារោងមហោស្រពសៀកហ្វាកុំបីខាន ក្នុងដំណើរកម្សាន្តរបស់អ្នកមកកាន់ខេត្តសៀមរាប។

បច្ចុប្បន្ន ការសម្តែងធ្វើឡើងតែនៅថ្ងៃសុក្រនិងថ្ងៃសៅរ៍ប៉ុណ្ណោះ សូមសាកសួរព័ត៌មានលំអិតនៃកម្មវិធីសម្តែងប្រចាំសប្តាហ៍ និងតម្លៃសំបុត្រ(បញ្ចុះតម្លៃពិសេសជាដើម) នៅលើគេហទំព័រ និងហ្វេសប៊ុករបស់អង្គការហ្វា ខាងក្រោម។ (មានស្តង់អាហារ រួមនឹងបទភ្លេងប្រពៃណី ឥតគិតថ្លៃនិងការដាក់តាំងរូបល្ខោនស្បែក ជាដើមនៅក្នុងរោងមហោស្របផងដែរ)