កំណត់ត្រាសង្ខេបព្រឹត្តការណ៍ចុះផ្សាយក្នុងទស្សនាវដ្តី “ញញឹម” ភាសាជប៉ុន ពីឆ្នាំ២០០៩-២០១១

TOP › Column › NyoNyum Khmer › កំណត់ត្រាសង្ខេបព្រឹត្តការណ៍ចុះផ្សាយក្នុងទស្សនាវដ្តី “ញញឹម” ភាសាជប៉ុន ពីឆ្នាំ២០០៩-២០១១

2024.01.03

២០០៩

in Cambodia
<ul align=”justify”>

ឆ្នាំនៃការផ្លាស់ប្តូររវាងប្រទេសជប៉ុន-មេគង្គ
កិច្ចប្រជុំរដ្ឋមន្ត្រីការបរទេសមេគង្គ-ជប៉ុនលើកទី២ នៅខេត្តសៀមរាប

in Japan

គណបក្សប្រជាធិបតេយ្យទទួលបានជ័យជំនះលើសលប់ក្នុងការបោះឆ្នោតសភាតំណាងរាស្រ្ត ដោយមានគណៈរដ្ឋមន្ត្រីលោក Hatoyama ថ្មីបង្កើតឡើង
ការចាប់ផ្តើមនៃប្រព័ន្ធចៅក្រម
ជប៉ុនឈ្នះជើងឯក WBC ជាប់ៗគ្នា

World

Michael Jackson ស្លាប់
រង្វាន់ណូបែលសន្តិភាព ប្រគល់ជូនប្រធានាធិបតីអាមេរិក លោក អូបាម៉ា

គ្រូ Utamaru វិចិត្រករ Manga លោក Nishihara និងសត្វចម្លែក “GeGeGe” បានមកដល់ប្រទេសកម្ពុជា!

លេខ៤១/មិថុនា-កក្កដា ២០០៩/លេខ ៤៤/ធ្នូ ២០០៩-មករា ២០១០

នៅក្នុងឆ្នាំ២០០៩ ក្នុងអំឡុងពេល “ឆ្នាំនៃការផ្លាស់ប្តូរជប៉ុន-មេគង្គ” ដែលត្រូវបានបង្កើតឡើងដើម្បីពង្រីកការផ្លាស់ប្តូររវាងប្រទេសជប៉ុន និងបណ្តាប្រទេសក្នុងតំបន់មេគង្គ, មានការសម្តែងរបស់គ្រូ Utamaru Katsura និងក្រុមរបស់គាត់ នៅទីក្រុងភ្នំពេញ។ ទស្សនាវដ្តី “ញញឹម” បានចុះផ្សាយពីព្រឹត្តិការណ៍នេះ ចូលក្នុងការចុះផ្សាយពិសេសមានចំណងជើងថា “ពិភពនៃសិល្បៈសម្តែងប្រពៃណីខ្មែរ” (លេខ៤៤/ធ្នូ ២០០៩-មករា ២០១០)។ ក្នុងលេខនោះ យើងក៏មានបទសម្ភាសន៍សិល្បករ Rieko Saibara ដែលបានធ្វើដំណើរកម្សាន្តមកកម្ពុជាជាលក្ខណៈគ្រួសារដែរ។

នៅក្នុងការចុះផ្សាយលេខពិសេសស្តីពី “ខ្មោចអារក្សនៅកម្ពុជា” ក្នុងលេខ៤១ (ខែមិថុនា ដល់ កក្កដា ២០០៩) យើងក៏បានផ្សាយពីសាររបស់ Shigeru Mizuki ដែលជាអ្នកនិពន្ធរឿងតុក្កតាបិសាចឈានមុខគេរបស់ជប៉ុន និងពីសិល្បករ “GeGeGe no Kitaro and Friends” ក្នុងទស្សនាវដ្តីញញឹមផងដែរ។ វាក៏ជាឆ្នាំនៃការផ្លាស់ប្តូរវប្បធម៌យ៉ាងសកម្មរវាងកម្ពុជានិងជប៉ុន ដូចដែលបានឃើញក្នុងទស្សនាវដ្ដី “ញញឹម”។

ហាង NyoNyum Shop បើកដំណើរការ!

ហាង NyoNyum Shop បើកលក់ផលិតផលល្អៗនៅកម្ពុជា!

ជាហាងជ្រើសរើស និងប្រមូលផ្ដុំនូវស្នាដៃសិប្បកម្ម “Made in Cambodia” និងនំខ្មែរជាដើម ក្នុងគោលបំណងភ្ជាប់នូវមោទនភាពកម្ពុជាទៅនឹងការធ្វើឱ្យរស់ឡើងវិញនូវអាជីវកម្មក្នុងតំបន់មូលដ្ឋានក្នុងប្រទេសកម្ពុជា។

២០១០

in Cambodia

អតីតមេគុក S21 ឌុច ត្រូវបានកាត់ទោសឱ្យជាប់ពន្ធនាគារ ៣៥ឆ្នាំនៅក្នុងការវិនិច្ឆ័យដំបូងដោយតុលាការកាត់ក្តីខ្មែរក្រហម
ខួបលើកទី៥៥នៃការចុះហត្ថលេខាលើសន្ធិសញ្ញាមិត្តភាពជប៉ុន-កម្ពុជា ព្រះមហាក្សត្រ នរោត្តម សីហមុនី យាងទៅទស្សនកិច្ចផ្លូវរដ្ឋនៅប្រទេសជប៉ុន

in Japan

នាយករដ្ឋមន្ត្រីលោក Hatoyama លាលែងពីតំណែង គណៈរដ្ឋមន្ត្រីលោក Kan បានចាប់ផ្តើម
កីឡាករស៊ូម៉ូ Asashoryu ចូលនិវត្តន៍

World

កីឡាអូឡាំពិករដូវរងានៅទីក្រុង Vancouver បានប្រារព្ធឡើង
ការធ្លាក់ចុះទីផ្សារភាគហ៊ុនសកលក្នុងពេលដំណាលគ្នាដែលបង្កឡើងដោយបញ្ហាវិបត្តិហិរញ្ញវត្ថុនៅប្រទេសក្រិក

ថ្ងៃវិនិច្ឆ័យទោស

លេខ៤៨/សីហា-កញ្ញា ២០១០

សាលក្រមដំបូងត្រូវបានចេញដោយសាលាក្តីខ្មែរក្រហម។ កាលពីថ្ងៃទី២៦ ខែកក្កដា លោក កាំង ហ្គេចអ៊ាវ (ហៅឌុច) អតីតមេគុកទួលស្លែង (ស២១) ត្រូវបានកាត់ទោសឲ្យជាប់ពន្ធនាគារ ៣៥ឆ្នាំ។ បណ្តឹងឧទ្ធរណ៍ត្រូវបានប្តឹងដោយចុងចោទ និងតំណាងអយ្យការ។ សាលាឧទ្ធរណ៍បានបដិសេធសាលក្រមដំបូង ហើយនៅឆ្នាំ២០១២ ទោសអតិបរមាគឺដាក់ពន្ធនាគារអស់មួយជីវិត។>

លើសពីនេះ សមាជិកជាន់ខ្ពស់នៃរបប ប៉ុល ពត មាន៖ នួន ជា, ខៀវ សំផន, អៀង សារី និង អៀង ធារិទ្ធ ក៏ត្រូវបានចោទប្រកាន់ក្នុងឆ្នាំជាមួយគ្នានេះដែរ។ ពីឆ្នាំ២០០៩ ដល់ឆ្នាំ២០១៣ ទស្សនាវដ្តី “ញញឹម” បានរាយការណ៍អំពីដំណើរការនៃសវនាការនៅក្នុង “កំណត់ចំណាំរបស់តុលាការប៉ុលពត”(លេខ៤២ ដល់ ៦៤) ។

២០១១

in Cambodia

ខួបលើកទី២០ នៃកិច្ចព្រមព្រៀងសន្តិភាពទីក្រុងប៉ារីស
សាលាក្តីខ្មែរក្រហម កាត់ទោស នួន ជា

in Japan

ការរញ្ជួយដីដ៏ធំនៅប្រទេសជប៉ុនខាងកើត
នាយករដ្ឋមន្ត្រីលោក Kan លាលែងពីតំណែង គណៈរដ្ឋមន្ត្រី Noda ចាប់ផ្តើម
ក្រុមបាល់ទាត់ស្រ្តីជប៉ុន “Nadeshiko Japan” ឈ្នះការប្រកួតបាល់ទាត់នារីពិភពលោក
មេដឹកនាំកូរ៉េខាងជើង គីម ជុងអ៊ីល ទទួលមរណភាព
ទឹកជំនន់ដ៏ធំនៅប្រទេសថៃ បង្កការខូចខាតយ៉ាងធ្ងន់ធ្ងរដល់ក្រុមហ៊ុនជប៉ុន
បាតុកម្មទ្រង់ទ្រាយធំនៅប្រទេសអេហ្ស៊ីប ក្នុងអំឡុងពេល៣០ឆ្នាំ
ប្រទេសស៊ូដង់ខាងត្បូងប្រកាសរដ្ឋឯករាជ្យ

ទឹកចិត្តសប្បុរសរបស់ប្រជាជនខ្មែរចំពោះគ្រោះការរញ្ជួយដីដ៏ធំនៅប្រទេសជប៉ុនភាគខាងកើត

លេខ៥២/មេសា-ឧសភា ២០១១

នៅថ្ងៃទី១១ ខែមីនាឆ្នាំនោះ ប្រទេសជប៉ុនត្រូវបានវាយប្រហារដោយមហាគ្រោះមហន្តរាយ ដែលមិនធ្លាប់មានពីមុនមក។ មានការរញ្ជួយដី រលកយក្សស៊ូណាមិ និងគ្រោះថ្នាក់ផ្ទុះរោងចក្រថាមពលនុយក្លេអ៊ែរកើតឡើងស្របពេលជាមួយគ្នា។ យើងខ្ញុំបានចុះផ្សាយពីពាក្យ/សារកក់ក្តៅ និងប្រកបដោយក្តីមេត្តារបស់ប្រជាជនខ្មែរចំពោះប្រជាជនជប៉ុន ដែលអស់សង្ឃឹម និងមានស្ថានភាពតានតឹងដោយក្តីបារម្ភ និងទុក្ខព្រួយ។

«ទោះវាជាប្រាក់បន្តិចបន្តួចក្តី ខ្ញុំសូមសម្តែងនូវការចូលរួមចែករំលែកទុក្ខសោករបស់ប្រជាជនជប៉ុន។» នេះជាសារពីអ្នករត់ម៉ូតូឌុបម្នាក់ដែលបានចូលរួមបរិច្ចាកទឹកប្រាក់ចំនួន ៥ ដុល្លារដល់ស្ថានទូតជប៉ុន។ នៅការរៃអង្គាសប្រាក់ក្នុងខេត្តសៀមរាបឯណោះវិញ មានអ្នកសុំទានចំណាស់ពាក់អាវចាស់ម្នាក់បានទិញអាវ តម្លៃ ២០០០ រៀល «សម្រាប់ជនជាតិជប៉ុន»។ ក្រុមការងារយើងខ្ញុំក៏បានប្រមូល និងចុះផ្សាយសារជាច្រើនទៀតដែលបង្ហាញពីចិត្តសប្បុរសរបស់ប្រជាជនកម្ពុជា។

この記事が気に入ったら
いいね！しよう

We will send you the latest information

Relate Article